Druhi enierhabłok BiełAES uviedzieny ŭ pramysłovuju ekspłuatacyju
Pryjomačnaja kamisija pad staršynstvam namieśnika premjer-ministra Piatra Parchomčyka padpisała siońnia akt pryjomki ŭ ekspłuatacyju puskavoha kompleksu druhoha enierhabłoka Biełaruskaj AES. Rašeńnie kamisii hruntujecca na stanoŭčych zaklučeńniach.
U skład kamisii ŭvajšli pradstaŭniki Minenierha, MNS, Dziaržstandartu, Minbudarchitektury, Minpryrody, Ministerstva achovy zdaroŭja, MUS, Hrodzienskaha abłvykankama, Biełenierha, a taksama pradstaŭniki niekalkich rasijskich kampanij, šyroka pryciahvalisia taksama profilnyja śpiecyjalisty, ekśpierty i navukoŭcy, paviedamlaje Minenierha.
Zaraz błok pracuje na naminalnaj mahutnaści. Z momantu jaho ŭklučeńnia ŭ abjadnanuju enierhasistemu im vypracavana bolš za 2 młrd kVt⋅h elektraenierhii.
Pieršapačatkova mierkavałasia, što druhi enierhabłok budzie ŭviedzieny ŭ ekspłuatacyju ŭ 2021 hodzie.
Učora Łukašenka zajaviŭ, što Biełaruś pastaviła pytańnie ab kampiensacyjach u suviazi sa źmiaščeńniem terminaŭ uvodu ŭ ekspłuatacyju BiełAES.
«U nas trochi zrušylisia terminy ŭvodu ŭ ekspłuatacyju atamnaj stancyi praz rasijski bok. Naturalna, pa damovie my pastavili pierad imi pytańnie ab kampiensacyjach. Hetaha chavać nie treba. Ničoha tam nadzvyčajnaha nie było. Ale takija pytańni byli pastaŭlenyja ŭ suviazi z tym, što parušanyja terminy ŭvodu stancyi, i adkaznaść za heta niasie rasijski bok. Jany nam prapanavali varyjanty i pa canie na śviežaje jadziernaje paliva — jak dla rasijanaŭ, jak dla svaich stancyj. I termin harantyjny na piać hadoŭ (na asnoŭnyja vuzły)», — adznačyŭ 31 kastryčnika Łukašenka.
Biełaruskuju AES pabudavali za niekalki kiłamietraŭ ad Astraŭca i za 40 km ad Vilni. Raboty pa jaje ŭźviadzieńni pačalisia ŭ 2011 hodzie. Rasija ŭ 2011 hodzie vydała Biełarusi kredyt $10 młrd, jaki pakryvaje 90% vydatkaŭ na budaŭnictva. Pieršapačatkova było zajaŭlena, što pieršy enierhabłok uviaduć u stroj u kancy 2019-ha. Ale ŭ vyniku zapuścili ŭ listapadzie 2020 hoda.
Pieršapačatkova pusk druhoha błoka zrušyŭsia na 2021 hod, ale i na siońnia jon nie ŭviedzieny.
BiełAES abyšłasia ŭ 5,36 miljarda dalaraŭ — Minfin RF
«Asnoŭnyja etapy budaŭnictva Biełaruskaj AES pryjšlisia na niaprosty pieryjad». «Rasatam» vykazaŭsia adnosna pretenzij Łukašenki
Łukašenka: Biełaruś pastaviła pierad Rasijaj pytańnie ab kampiensacyjach u suviazi sa ssoŭvańniem terminaŭ uvodu ŭ ekspłuatacyju BiełAES
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie25
Kamientary