Baćku palitźniavolenaha Mikity Załatarova aryštavali siomy raz zapar
Michaił Łapunoŭ dniami musiŭ vyjści na volu, ale jaho znoŭ aryštavali. Treciaha listapada ŭ sudzie Centralnaha rajona Homiela prajšoŭ čarhovy sud nad im pavodle č. 2 art. 19.11 KaAP (raspaŭsiud ekstremisckich materyjałaŭ). Sudździa Viktar Kazačok pryznačyŭ jamu čarhovyja 15 sutak, piša «Homielskaja Viasna».
Michaił Łapunoŭ. Fota: «Biełsat»
Michaił byŭ zatrymany 8 žniŭnia i z taho času bieśpierapynna ŭtrymlivajecca ŭ izalatary časovaha ŭtrymańnia. Ahułam mužčyna praviadzie za kratami bolš za try miesiacy.
Syn Łapunova — Mikita Załataroŭ — adzin z najmałodšych zatrymanych palitviaźniaŭ u vyniku pratestaŭ 2020 hoda. Ahulny termin pakarańnia dla jaho skłaŭ čatyry z pałovaj hady vychavaŭčaj kałonii.
Kamientary