U Polščy admianili kancerty hurta «Pošłaja Moli» paśla chamskich vykazvańniaŭ jaho salista
Pra admienu kancertaŭ u Hdańsku, Varšavie, Krakavie, Poznani i Urocłavie, zapłanavanych na listapad i śniežań, zajavili ich arhanizatary Winiary Bookings.
Pierad hetym u instahramie salist hurta ŭkrainiec Kiryła Bledny zapisaŭ videarolik ź vialikaj kolkaściu matu, u jakim nadzvyčaj abraźliva vykazaŭsia pra polskuju movu.
Paśla taho, jak na videazapis źviarnuli ŭvahu ŚMI, Bledny skazaŭ, što, maŭlaŭ, pažartavaŭ, i paprasiŭ prabačeńnia za svaje vykazvańni. Ale palaki, jak vyhladaje, «žartu» nie zrazumieli i nie acanili.
U 2022-m Bledny ładziŭ dabračynny kancert u padtrymku Ukrainy i vystupaŭ suprać poŭnamaštabnaha rasijskaha ŭvarvańnia. Adnak užo ŭ červieni taho ž hoda śpiavak vypuściŭ sumiesny trek z rasijskim repieram Maładym Płatonam. Paśla hetaha lidara «Pošłaj Moli» abvinavacili ŭ tym, što jon «pieraabuŭsia», bo aznačany repier na toj čas nijak nie prajaŭlaŭ svajoj pazicyi nakont vajny.
Adznačym, što hurt Blednaha ciapier nie vystupaje ni va Ukrainie, ni ŭ Rasii. U Biełaruś «Pošłaja Moli» pryjazdžała jašče ŭ 2021-m, i tady na kancercie skandavali «Žyvie Biełaruś».
«Usio idzie zhodna z płanam Dalesa». Rasijskaja śpiavačka Vika Cyhanova z mužam pryjšli da Dudzia i vykłali svaje teoryi
«Deŭkrainizacyja» rasijskaj pop-muzyki i jaje nastupstvy
Viadoŭca Dźmitryj Kachno razyhraŭ u instahramie bilety na kancert Praśniakova, jaki padtrymlivaje vajnu, — padpisčyki aburylisia
Kamientary