Staličnaja milicyja źviarnułasia da hramadzian z prośbaj dapamahčy śledstvu ŭ vyšuku padazravanaha, jaki ŭčyniŭ kradziež hrošaj z punkta abmienu valuty № 37 «Absalutbanka» va univiersamie «Centralny».
Staličnaja milicyja źviarnułasia da hramadzian z prośbaj dapamahčy śledstvu ŭ vyšuku padazravanaha, jaki ŭčyniŭ kradziež hrošaj z punkta abmienu valuty № 37 «Absalutbanka» va univiersamie «Centralny».
Jak paviedamiła HUUS Minharvykankama,
padazrony byŭ apranuty ŭ sinija džynsy i kurtku ciomna-zialonaha koleru, u jaho byŭ zaplečnik.
Kradziež byŭ učynieny 18 śniežnia z 14 da 15 hadziny. Pavodle papiaredniaj infarmacyi, nieviadomy pranik u abmienny punkt padčas adsutnaści kasira. Dla ŭčynieńnia kradziažu złamyśniku spatrebiłasia niekalki chvilin. Dakładnaja suma ŭronu ŭstanaŭlivajecca. Razmova idzie pra sumu kala 50 młn. biełaruskich rubloŭ. Na miescy złačynstva pracuje śledča-apieratyŭnaja hrupa, supracoŭniki kryminalnaha vyšuku, ekśpierty-kryminalisty. Pravodzicca kompleks apieratyŭna-vyšukovych mierapryjemstvaŭ, nakiravany na raskryćcio złačynstva.
10 śniežnia adbyŭsia razbojny napad na abmienny punkt «Absalutbanka» kala staličnaha univiersama «Aŭtazavodski». Była zabitaja 21-hadovy kasir, vykradziena kala 35 młn. rubloŭ.
Kamientujučy novaje złačynstva, staršynia praŭleńnia «Absalutbanka» Barys Čarednik paviedamiŭ, što kiraŭnictva banka razhladaje mahčymaść zakryćcia ŭsich abmiennych punktaŭ na čas abstalavańnia dadatkovymi sistemami achovy i biaśpieki.
Kamientary