Hałoŭnaja bankaŭskaja ŭstanova krainy płanuje zachavańnie kursu rubla ŭ adnosinach da košyka valut jak u kancy 2009‑ha, tak i ŭ pačatku 2010 hoda na ciapierašnim uzroŭni.
Nijakich razavych źmianieńniaŭ kursu biełaruskaha rubla ni da kanca 2009 hoda, ni ŭ 2010‑m ažyćciaŭlacca nie budzie. Pra heta paviedamili va ŭpraŭleńni infarmacyi hałoŭnaj bankaŭskaj ustanovy krainy.
Nacyjanalny bank Biełarusi płanuje zachavańnie kursu biełaruskaha rubla ŭ adnosinach da košyka valut jak u kancy 2009‑ha, tak i ŭ pačatku 2010 hoda na ciapierašnim uzroŭni.
Zabieśpiačeńnie hetaha stała mahčymym u suviazi z tym, što zaraz u ekanomicy krainy, jaje vonkavaekanamičnym siektary sfarmiravalisia ŭsie nieabchodnyja pieradumovy, jakija dazvalajuć ažyćciaŭlać dalejšaje padtrymańnie kursu na stabilnym uzroŭni.
Pry hetym niekatoryja vahańni dvuchbakovych kursaŭ biełaruskaha rubla
da dalara ZŠA, jeŭra ci rasijskaha rubla mohuć adbyvacca tolki pad upłyvam uzajemnych źmianieńniaŭ kursaŭ hetych zamiežnych valut na suśvietnym rynku.
U Nacbanku rastłumačyli, što sioleta ŭ Respublicy Biełaruś pravodzicca palityka kursaŭtvareńnia, zasnavanaja na pryviazcy kursu biełaruskaha rubla da koštu košyka, jakaja składajecca z troch zamiežnych valut — dalara ZŠA, jeŭra i rasijskaha rubla. Pry hetym vahańni kursu abmiažoŭvajucca ŭ miežach +/‑ 10% u adnosinach da centralnaha značeńnia, ustanoŭlenaha z 2 studzienia 2009 hoda.
Ciapier uzrovień panižeńnia kursu biełaruskaha rubla ŭ dačynieńni da centralnaha značeńnia koštu košyka valut składaje kala 8%.
Heta pastupovaje źnižeńnie ažyćcioŭlena ŭ ramkach ŭstanoŭlenaha kalidora ŭ metach niejtralizacyi ŭpłyvu suśvietnaha finansava‑ekanamičnaha kryzisu na kankurentazdolnaści vonkavaha handlu, a taksama z ulikam suadnosin popytu i prapanovy zamiežnaj valuty na ŭnutranym rynku.
U dalejšym, na praciahu ŭsiaho nastupnaha hoda, praduhledžvajecca padtrymańnie kursu biełaruskaha rubla da košyka zamiežnych valut u miežach kalidora vahańniaŭ +/- 10% pa adnosinach da jaje koštu, jakaja skłałasia da kanca 2009 hoda.
Hety miechanizm praduhledžany Asnoŭnymi napramkami hrašova‑kredytnaj palityki Respubliki Biełaruś na 2010 hod, zaćvierdžanymi Ukazam Prezidenta Respubliki Biełaruś ad 7 śniežnia 2009 hoda № 591.
U toj ža čas z ulikam prahnazavanych paramietraŭ sacyjalna‑ekanamičnaha raźvićcia adchileńni kursa ad centralnaha značeńnia koštu košyka valut na ŭvieś 2010 čakajucca ŭ istotna mienšym dyjapazonie, čym dapuskajucca +/‑10%.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»14
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary