MUS raspavioŭ pra znojdzieny arsienał zbroi ŭ domie, dzie milicyja stralała na paražeńnie ŭ 19-hadovaha chłopca
U zatrymanych u Krupskim rajonie mužčyn kanfiskavany vialiki niezakonny arsienał, zajaviŭ načalnik adździeła ŭpraŭleńnia HUBAZiK Siarhiej Zubaraŭ.
U vioscy Vialiki Les Krupskaha rajona 21 listapada supracoŭniki HUBAZiK i AMAP pry praviercy infarmacyi ab niezakonnym abarocie zbroi zatrymali traich mužčyn: baćku i dvuch synoŭ. Małodšy — 19-hadovy — nibyta pahražaŭ pravaachoŭnikam nažami. U jaho stralali na paražeńnie. Jaho špitalizavali.
Pavodle MUS, mužčyny zajmalisia niezakonnym palavańniem. Padčas pieratrusaŭ u ich vyjaŭlena i kanfiskavana chałodnaja, ahniastrelnaja zbroja, bojeprypasy, vybuchovyja rečyvy, paviedamlaje MUS.
Na raspaŭsiudžanym MUS videa bačna, jak amapaŭcy vybivajuć bramu doma. Dźviery chaty adčyniaje haspadar z padniatymi rukami. Usio, što adbyvałasia dalej, nie bačna. Tolki čuvać hałasy siłavikoŭ: «Kiń nož», — i razdajecca streł.
20 listapada ŭ Rečyckim rajonie milicyjanty zastrelili mužčynu, jaki taksama nibyta byŭ sa zbrojaj.
Ciapier čytajuć
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ25
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary