U Paryžy mužčyna napaŭ z nažom i małatkom na turystaŭ — adzin čałaviek zabity, dvoje paranieny
26-hadovy ŭradženiec Francyi nakinuŭsia na prachožych u Paryžy niedaloka ad Ejfielevaj viežy, zabiŭ adnaho čałavieka i paraniŭ jašče dvaich, paviedamiŭ ministr unutranych spraŭ Francyi Žerald Darmanien.
Spačatku mužčyna ŭdaryŭ adnaho čałavieka nažom, a zatym pasprabavaŭ nakinucca na inšych minakoŭ z małatkom.
Napadu padvierhlisia turysty, zahinuły byŭ hramadzianinam Hiermanii. Napadnik byŭ uzbrojeny nažom i kryčaŭ «Ałachu akbar», paviedamlaje MUS Francyi.
Pry zatrymańni jon zajaviŭ palicyi, što zasmučany z-za hibieli musulman u Afhanistanie i Paleścinie, a taksama z-za situacyi ŭ siektary Haza.
Vyjaviłasia, što zatrymany znachodziŭsia pad nazirańniem francuzskich słužbaŭ biaśpieki i byŭ asudžany ŭ 2016 hodzie za padrychtoŭku napadaŭ. Viadoma, što jon pakutavaŭ na psichičnyja razłady, paviedamiŭ ministr unutranych spraŭ.
ŚMI paviedamlajuć, što jon naradziŭsia ŭ 1997 hodzie, u 2018 hodzie byŭ pryhavorany da čatyroch hadoŭ pazbaŭleńnia voli.
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary