Taksama adyjozny piśmieńnik zajaviŭ, što «paśla pieramohi» va Ukrainie Rasija pavinna zajavić pretenzii na terytoryi byłoha SSSR.
Adyjozny rasijski piśmieńnik Zachar Prylepin, vystupajučy na pasiadžeńni adnoj sa svaich vajenna-palityčnych struktur, skazaŭ, što pieryjadyčnyja kanflikty ŭ Rasii ź mihrantami možna vyrašyć šlacham dałučeńnia novych terytoryj — u pryvatnaści ŭźbiekskich, paviedamlaje «Radyjo Svaboda — Uźbiekistan».
«Ščyra staju na tym, kab voś hetyja terytoryi, adkul da nas jeduć hastarbajtary, kab ich dałučać i ŭžo na miescy navučać ludziej rasijskaj movie. Kab nie tut ich vučyć, a tam, dapuścim, va Uźbiekistanie», — skazaŭ Prylepin.
MZS Uźbiekistana ŭ adkaz vyklikaŭ rasijskaha pasła Aleha Malhinava. U chodzie sustrečy Malhinavu ŭ «pryncypovaj formie było daviedziena, što takija nieabdumanyja zajavy nosiać zahadzia pravakacyjny charaktar i mohuć niehatyŭna adbicca na histaryčna družalubnych adnosinach» pamiž Uźbiekistanam i Rasijaj.
Pavodle taho ž paviedamleńnia, Malhinaŭ na sustrečy adznačyŭ, što «suvierenitet, niezaležnaść i terytaryjalnaja cełasnaść Respubliki Uźbiekistan nikoli nie padviarhalisia sumnievu ŭ Rasii».
U rasijskim MZS zajavili, što vykazvańni Prylepina «nie majuć ničoha ahulnaha z aficyjnaj pazicyjaj rasijskaha kiraŭnictva».
Akramia taho, Prylepin zajaviŭ, što paśla mierkavanaj pieramohi ŭ vajnie z Ukrainaj nichto nie zmoža zabaranić Rasii «zrabić što-niebudź karysnaje na jeŭrazijskaj terytoryi», u tym liku zajavić pretenzii na terytoryi byłoha SSSR.
«Ja nie žartuju. My budziem padymać temu dezavujavańnia raspadu Savieckaha Sajuza, što dazvolić nam u luby momant skazać: «tak jak dva miljony našych hramadzian znachodziacca na vašaj terytoryi, my pretendujem na jaje», — rastłumačyŭ Prylepin.
***
6 maja aŭtamabil, u jakim jechaŭ Zachar Prylepin, uzarvali ŭ Nižaharodskaj vobłaści. U piśmieńnika byli złamanyja dźvie nahi, i jon niejki čas pravioŭ u balnicy.
U žniŭni Zachar Prylepin atrymaŭ pasadu namieśnika kamandzira pałka Rashvardyi «Apłot». Pavodle jaho, najbližejšym časam połk atrymaje ciažkaje ŭzbrajeńnie. «Pastaŭlenyja pierad nami kiraŭnictvam Rashvardyi i prezidentam Rasii zadačy buduć vykananyja», — reziumavaŭ palityčny dziejač, nie ŭdakładniŭšy, što heta za zadačy. Połk «Apłot» budzie dysłakavacca na akupavanych Rasijaj terytoryjach Ukrainy.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary