Miarkujučy pa ŭsim, vykanaŭca terakta pryvioŭ vybuchovuju pryładu ŭ dziejańnie ŭ momant, kali mašynu kala vioski Pijanierskaje, što kala Nižniaha Noŭharada, na niejki čas pakinuła dačka Prylepina, jakaja jechała ź im usiu darohu.
Uzarvali aŭtamabil z rasijskim prapahandystam i deputatam Dziaržaŭnaj dumy Zacharam Prylepinym.
Raskošny Audi Q7 niamieckaj vytvorčaści vybuchnuŭ pa darozie z Maskvy ŭ Nižni Noŭharad. Miarkujecca, što spracavała vybuchovaje prystasavańnie pad dniščam mašyny.
Prylepin viartaŭsia z terytoryi akupavanaj Danieckaj vobłaści Ukrainy, śćviardžaje krynica rasijskaha vydańnia RBK. Siońnia jon pierasiek prapuskny punkt na miažy Rasii i akupavanych terytoryj.
Miarkujučy pa ŭsim, vykanaŭca terakta pryvioŭ vybuchovuju pryładu ŭ dziejańnie ŭ momant, kali mašynu kala vioski Pijanierskaje na niejki čas pakinuła dačka Prylepina, što jechała ź im usiu darohu.
Praŭda, paśla źjaviłasia i inšaja viersija, pavodle jakoj mašyna Prylepina padarvałasia na supraćtankavaj minie, zakładzienaj u hrunt. Pavodle śledčych, arhanizatary zakłali dźvie miny, adna ź jakich spracavała pad mašynaj, kali jana prajazdžała ŭ tym miescy.
Prylepin ciažka paranieny, paviedamlajuć rasijskija ŚMI. Jaho achoŭnik, jaki taksama aktyŭničaŭ u prapahandysckich resursach pad psieŭdanimam «Zły», zahinuŭ.
Zachar Prylepin — adna z samych adyjoznych fihur rasijskaj prapahandy. Ën mieŭ dostup da rasijskich telekanałaŭ — znak asablivaha davieru Kramla, vystupaŭ z radykalnych pazicyj, padtrymlivaŭ ideju likvidacyi ŭkrainskaj i biełaruskaj nacyj, zachop krain Bałtyi i apiavaŭ impieryjalistyčnuju vajnu.
U 2014—2018 hadach Prylepin vajavaŭ u składzie rasijskich sił va ŭtvoranaj imi maryjanietačnaj «DNR», z 2017 pa 2018 hady vykonvaŭ abaviazki namieśnika kamandzira bataljona śpiecnaza pa pracy z asabovym składam.
U kancy studzienia 2023 hoda jon publična padpisaŭ kantrakt z Rashvardyjaj i źjechaŭ vajavać va Ukrainu, ź jakoj, adnak, časta viartaŭsia. Na jaho praciahvaŭ pracavać ahromny štat absłuhi: ad achoŭnika da pres-sakratarki.
«Prapahandyst Zachar Prylepin doŭha raspalvaŭ połymia hetaj vajny. Ciapier połymia kranuła i samoha Prylepina ŭ samym niečakanym dla jaho miescy», — tak adkamientavaŭ padryŭ aŭto były rasijski palitviazień Raman Papkoŭ.
Adkaznaść za zamach na Zachara Prylepina ŭziaŭ na siabie partyzanski ruch «Ateš», stvorany ŭkraincami i krymskimi tatarami i jaki dziejničaŭ pieravažna na akupavanych terytoryjach Ukrainy. «Ateš» pa-krymskatatarsku aznačaje «ahoń».
Raniej u vyniku teraktaŭ byli likvidavanyja dva inšyja prapahandysty, jakija byli padpalščykami vajny: Uładlen Tatarski i Darja Duhina.
«Prava na ekspansiju — heta naša histaryčnaja tradycyja. Tamu Danbas — heta častka ruskaha śvietu», — zajaviŭ Prylepin u apošnim vypusku svajoj prahramy «Uroki russkoho» na pucinskim telekanale NTV.
Raniej Prylepin zajaŭlaŭ:
«Usia Ukraina pavinna ŭvajści ŭ skład Rasii».
«Ja kiravaŭ bajavym padraździaleńniem, jakoje zabivała ludziej. U vialikaj kolkaści. Usio, što my rabili, — heta halimaje biezzakońnie, što my vytvarali».
«Ja nie adčuvaju nijakich zhryzot sumleńnia z nahody ŭsiaho taho, što adbyvajecca. Tak skłałasia, i treba razhrabać heta zaraz da kanca».
«Ja nazvaŭ Pucina impierataram z krymskaj historyi i nazyvaju jaho tak pa hety dzień».
Ciapier čytajuć
Bližejšym časam buduć vyzvaleny bolš za 150 palitźniavolenych30
Kamientary