Heta francužanka — samaja bahataja žančyna ŭ śviecie. Jaje bahaćcie pieravysiła 100 miljardaŭ dalaraŭ
Fransuaza Bietankur Majers — samaja bahataja žančyna ŭ śviecie. Jana atrymała ŭ spadčynu L'Oréal ad svajoj maci Lilijan Bietankur, jakaja taksama była samaj bahataj žančynaj, ale jaje bahaćcie na momant śmierci składała kala $40 miljardaŭ.
Unučka zasnavalnika kampanii L'Oréal i namieśnica staršyni jaje rady dyrektaraŭ Fransuaza Bietankur Majers stała pieršaj žančynaj u śviecie, čyjo bahaćcie pieravysiła $100 młrd, paviedamlaje RBK sa spasyłkaj na Bloomberg.
Zhodna z Bloomberg Billionaires Index jaje bahaćcie skłała 28 śniežnia $100,2 młrd (12-je miesca ŭ śviecie, u Biernara Arno — samaha bahataha čałavieka płaniety — 182 młrd).
Forbes pakul aceńvaje bahaćcie Majers u $99,6 młrd (14-je miesca), ale adznačaje, što jana źjaŭlajecca samaj bahataj žančynaj u śviecie.
Jak piša Bloomberg, na bahaćcie biznesvumien paŭpłyvaŭ rost akcyj L'Oréal da rekordnaha ŭzroŭniu, pakazčyki stali najlepšymi z 1998 hoda.
70-hadovaja Majers i jaje siamja vałodajuć dolaj amal u 35%. Syny Fransuazy — Viktor-Žan i Nikala — uvachodziać u lik kiraŭnikoŭ kampanii (pieršy źjaŭlajecca siabram kamiteta pa ŭstojlivaści i stabilnaści, druhi — kamiteta aŭdytu).
***
L'Oréal zasnavaŭ u 1909 hodzie chimik Ežen Šuler dla vytvorčaści i prodažu raspracavanaj im farby dla vałasoŭ. Jaho dačka i maci Fransuazy, Lilijan Bietankur, paśla śmierci baćki ŭ 1957 hodzie atrymała ŭ spadčynu kampaniju. Na momant svajoj śmierci ŭ 2017-m u 94-hadovym uzroście jana była samaj bahataj žančynaj u śviecie ($39,5 młrd).
Adnosiny pamiž maci i dačkoj byli niaprostymi, u apošnija hady žyćcia Lilijan jana była ŭciahnutaja ŭ sudovyja ciažby sa spadčyńnicaj. U 2007 hodzie Fransuaza padała ŭ sud na fatohrafa Fransua-Mary Bańje, jaki byŭ «prateže» jaje maci i jakoha Bietankur-małodšaja abvinavaciła ŭ tym, što jon padmanam vymaniŭ u Lilijan, jakaja pakutavała na nieadekvatnaść, amal $1 młrd za 20 hadoŭ.
U vyniku sprava razrasłosia da taho, što ŭ joj źjaviŭsia epizod, źviazany z byłym prezidentam Francyi Nikala Sarkazi, jaki padčas svajoj pieradvybarnaj kampanii, jak śćviardžała śledstva, atrymaŭ ad Bietankur €150 tys. (pa zakonie achviaravańnie nie pavinna pieravyšać €4,6 tys.). Hetyja abvinavačvańni byli źniatyja.
Bańje ž byŭ pryznany vinavatym i atrymaŭ dva z pałovaj hady turmy, a taksama pavinien byŭ vypłacić Bietankur €158 młn kampiensacyi. Paśla apielacyi prysud źmiakčyli, u tym liku była admieniena kampiensacyja.
«Chočacca skazać kampanijam z tryljonnymi kapitalizacyjami i techna-vizijanieram: chłopcy, a vy nie afihieli?»
«Tak, heta vialikaja pamyłka, ale vyśviatlać, chto vinavaty, a chto nie, — vielmi niebiaśpiečna». Najbahaciejšy rasijanin, jaki rodam ź Biełarusi, pasprabavaŭ apraŭdacca za vajnu
Rasija zajmaje treciaje miesca ŭ śviecie pa rassłajeńni pamiž bahatymi i biednymi — UBS Global Wealth Report
Ciapier čytajuć
Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam24
Kamientary