U intervju jutub-kanału «TOK» lidarka demakratyčnych siłaŭ Biełarusi Śviatłana Cichanoŭskaja źviarnułasia da siamji Navalnych, los jakoj nahadvaje dolu jaje siamji.
Alaksiej Navalny byŭ lidaram masavaha pratesnaha ruchu ŭ Rasii. U žniŭni 2020 hoda jaho atrucili «Navičkom». Paśla lačeńnia ŭ Hiermanii ŭ pačatku 2021 hoda jon viarnuŭsia ŭ Maskvu. Pa prylocie jaho aryštavali. U žniŭni 2023 hoda Alaksiej Navalny atrymaŭ 19 hadoŭ pazbaŭleńnia voli ŭ kałonii ahulnaha režymu. U kancy 2023 hoda stała viadoma, što palityka pieraviali ŭ žachlivuju kałoniju ŭ Jamała-Nienieckaj aŭtanomnaj akruzie Rasii.
Žonka Navalnaha Julija razam z mužam viarnułasia na radzimu, paźniej z-za pahrozy aryštu vyjechała za miažu. Šerah ŚMI nazyvaje jaje «pieršaj łedzi rasijskaj apazicyi».
Padčas intervju ŭ Śviatłany Cichanoŭskaj spytali, što b jana skazała Julii i Alaksieju Navalnym. Situacyja hetaj siamji šmat u čym padobnaja da siamji Siarhieja i Śviatłany.
Śviatłana Cichanoŭskaja adznačyła, što Alaksiej Navalny zrabiŭ vielmi hieraičny ŭčynak, kali viarnuŭsia ŭ Rasiju, i dadała, što padobnyja prykłady jość i ŭ Biełarusi:
«U nas jość i Maša (Kaleśnikava — «NN») i Aleś Bialacki, jaki taksama viarnuŭsia ŭ Biełaruś. U nas šmat biełarusaŭ achviaravali saboju, viedajučy, što ŭ turmie mała što zrobiš. Ale heta byŭ ich pryncypovy krok».
Žonku Alaksieja Navalnaha Śviatłana Cichanoŭskaja prosić nie składać ruk.
«Niachaj jak moža na svaim uzroŭni, kab adstojvała svajho muža, šukała sposaby vyzvalić jaho. Heta amal niemahčyma, ale treba, kab pra jaho nie zabyvalisia».
Hladzicie całkam:
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary
Dvuchdzienny " puk pryhožyna" paupłyvał na || rf bolej čym vyzvaleńnie Chiersona
Nažalji dalej pa kołu z suuuusiedziami žyć pobač
Nahadaju susiedzi z poudnia u 19 abrali " piersanaža" jaki žadau " zazirnuć u vočy sieści pasiariedzinie" Zaraz jen " kłaru cietkin" izabražaje...