Pa ŭsioj Rasii ŭzbuntavalisia razumnyja hirlandy — pišuć «Słava Ukrainie» i padvodziać haspadaroŭ pad sud
Na siamju z rasijskaha Noŭharada 1 studzienia skłali pratakoł ab dyskredytacyi rasijskaj armii. Pilnyja susiedzi zaŭvažyli, što na bałkonie śviaciłasia hirlanda z nadpisam «Słava Ukrainie» na ŭkrainskaj movie, piša «Baza».
Haspadar, 43-hadovy Andrej, davodziŭ, što jon ni pry čym, ale zdajecca, jamu mała chto pavieryŭ.
Jon tłumačyŭ, što niekalki tydniaŭ tamu ŭbačyŭ u papularnaha jutub-błohiera «razumnuju» hirlandu, jakuju možna sabrać svaimi rukami. Andrej paasobku zamoviŭ na «Ali-Ekspres» mikrakantroler i śviatłodyjodnuju stužku, a zatym zapampavaŭ prašyŭku i na bałkonie jaho kvatery zaźziaŭ nadpis «Z nadychodziačym Novym hodam!». A roŭna apoŭnačy łozunh źmianiŭsia na «Słava Ukrainie!».
Jak vyjaviłasia, z padobnaj situacyjaj sutyknulisia niekalki čałaviek z roznych haradoŭ Rasii. Miarkujučy pa kamientarach maderatara foruma, usia sprava ŭ prašyŭcy. Najchutčej, niechta zakłaŭ u adnoj ź viersij prašyŭki źmienu navahodniaha nadpisu. Pry hetym adzin z karystalnikaŭ forumu napisaŭ, što aŭtar prašyŭki — rodam z Charkava, i heta jaho «pomsta za pryloty», dadaŭšy, «ciapier abciakajcie».
Tym nie mienš spravu haspadaroŭ z Noŭharada nichto nie admianiaŭ, ich buduć sudzić.
Čytajcie taksama:
U navahodniuju noč Rasija atakavała Ukrainu rekordnaj kolkaściu dronaŭ-kamikadze
Minabarony Rasii patłumačyła, navošta bambiła hatel u Charkavie
Jak paśla papadańnia rakiety vyhladaje piacizorkavy hatel u Charkavie FOTA
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary