U šerahu artykułaŭ Kryminalnaha kodeksa zjavicca pakarańnie, nie źviazanaje z pazbaŭleńniem voli. Prastytutkam budzie palohka
U šerahu artykułaŭ Kryminalnaha kodeksa płanujecca ŭvieści alternatyŭnaje pazbaŭleńniu voli pakarańnie. Ab hetym paviedamiŭ staršynia Viarchoŭnaha Suda Valancin Sukała pa vynikach narady ŭ Łukašenki.
Valancin Sukała raspavioŭ, što Viarchoŭny Sud praanalizavaŭ sankcyi za mienš ciažkija i niehvałtoŭnyja złačynstvy i pryjšoŭ da vysnovy, što jany majuć patrebu ŭ karekciroŭcy — u pieršuju čarhu treba ŭvieści alternatyŭnyja pazbaŭleńniu voli vidy pakarańnia.
«Kali ŭ sankcyjach artykuła za mienš ciažkija i niehvałtoŭnyja złačynstvy niama ničoha, akramia pazbaŭleńnia voli, viadoma, sudam vielmi składana vykonvać takija nieabchodnyja pryncypy naznačeńnia pakarańnia, jak suraźmiernaść, indyvidualnaść i spraviadlivaść, — skazaŭ staršynia VS. — Kab ablehčyć rabotu sudoŭ, VS prapanavaŭ adkarekciravać hetyja sankcyi, praduhledzieć u ich abaviazkovyja alternatyŭnyja pazbaŭleńniu voli vidy pakarańnia».
Pavodle Sukały, analiz pakazaŭ, što ŭ KK jość 35 artykułaŭ za mienš ciažkija, niehvałtoŭnyja złačynstvy, u sankcyjach jakich adsutničajuć alternatyŭnyja vidy pakarańnia, — tolki pazbaŭleńnie voli.
«Ja nie liču, što ŭ kožnaj ź ich treba ŭvodzić alternatyŭnyja sankcyi, tam jość i składanyja, hramadska niebiaśpiečnyja złačynstvy», — zaŭvažyŭ Sukała.
Na jaho dumku, alternatyŭnyja sankcyi mohuć być uviedzieny pa 24 składach złačynstvaŭ z 35.
Naprykład, adzin z artykułaŭ, jakich heta moža zakranuć, — arhanizacyja zaniatku prastytucyjaj abo ŭciahnieńnie ŭ zaniatak prastytucyjaj (art.171 KK), ale tolki ŭ pieršaj jaje častcy, kali adsutničajuć abciažarvajučyja akaličnaści.
«U adpaviednaści z sankcyjami artykuła naznačałasia realnaje pazbaŭleńnie voli, ale z ulikam abstavin sudy znachodzili mahčymaść prymianić adterminoŭku realnaha pazbaŭleńnia voli z vyprabavalnym terminam. I asudžanyja hetu adterminoŭku apraŭdvali, jak praviła», — adznačyŭ Valancin Sukała.
Pry hetym kiraŭnik Viarchoŭnaha Suda padkreśliŭ, što budučyja źmianieńni kryminalnaha zakanadaŭstva ŭ častcy ŭviadzieńnia alternatyvy pazbaŭleńniu voli nie buduć datyčycca ciažkich i asabliva ciažkich złačynstvaŭ.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary
Prastytutkami nie kožny dzień naradžajucca. Možna vabnaj žančynie paabiacać dobry zarobak, dla čaho niama anijakich padstaŭ. I voś handlar-kansultant užo šukaje sabie sponsara ŭ VK.
Uładalnika pryvatnaj kramy jak pryciahnuć za padman z zarobkam?