Adnak plamy, jakija nahadvajuć siłuety ludziej, majuć nie mistyčnuju, a całkam prazaičnuju pryrodu.
Kampanija Transport for London (TfL), jakaja kiruje hramadskim transpartam brytanskaj stalicy, sprabuje pazbavicca ad śladoŭ pryvidaŭ, jakija źjavilisia na płatformach Jelizaviecinskaj linii (Elizabeth line) — samaj novaj u łondanskaj transpartnaj sistemie, piša Bi-bi-si.
Plamy, jakija nahadvajuć siłuety ludziej, majuć nie mistyčnuju, a całkam prazaičnuju pryrodu. Jany ŭtvarylisia za siadzieńniami, bo pasažyry pastajanna abapirajucca na ścieny śpinoj.
Deputat Łondanskaj haradskoj rady Karalin Pidžen spytała ab hetaj prablemie mera horada Sadyk Chana. Jana pacikaviłasia, jakim mienavita čynam TfL turbujecca ab čyścini stancyj z tym, kab jany «zachoŭvali śviežy vyhlad na praciahu mnohich dziesiacihodździaŭ».
Ofis mera adkazaŭ: «na ŭsich stancyjach, jakija ŭvachodziać u sietku TfL, staranna realizujecca prahrama ŭborki, kab pasažyry znachodzilisia ŭ čystych i biaśpiečnych umovach».
Jelizaviecinskaja linija pačała pracavać u mai 2022 hoda, jana samaja novaja ŭ łondanskaj transpartnaj sistemie i ŭvachodzić u čyhunku Crossrail.
Praciahłaść linii składaje 117 kiłamietraŭ, jana ŭ tym liku prachodzić praz centr Łondana i złučaje aeraport «Chitrou» na zachadzie stalicy z paŭdniova-ŭschodnimi rajonami horada.
Ciapier pasłuhami Jelizaviecinskaj linii karystajucca kala 3,5 młn pasažyraŭ u tydzień.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ1
Kamientary