Havorka idzie pra partyju 40 ton.
Na Biełaruskaj univiersalnaj tavarnaj biržy zarehistravanaja pieršaja biržavaja ŭhoda pa zakupcy śviežych kivi, raskazali Office Life u pres-słužbie BUTB.
U tarhach udzielničali šeść kampanij-pastaŭščykoŭ. Pakupnikom sadaviny stała «adno ź viadučych ajčynnych pradpryjemstvaŭ charčovaj pramysłovaści», prakamientavali na biržy.
Pa danych placoŭki, u 2023 hodzie biržavyja ŭhody pa kupli i prodažy harodniny, sadaviny, bakalei i charčovaj syraviny rehularna ździajśniali kala 170 kampanij.
Samym vialikim popytam karystalisia kompleksnyja charčovyja dabaŭki, izalat sojevaha białku, pšaničnaja klejkavina, fiermientnyja preparaty, kakava-parašok i jałavičny białok. Na hetyja tavary ahułam pryjšłosia 59% uhodaŭ.
A niepasredna ŭ płodaaharodninnym kirunku lidarami prodažaŭ byli śviežyja piersiki, hrušy i repčataja cybula.
Handlovyja siesii pa charčovaj syravinie, bakalei i płodaaharodninnaj pradukcyi pravodziacca na BUTB dvojčy na tydzień.
Na tarhach pradstaŭlajuć śviežyja sadavinu i harodninu, arechi i suchafrukty, kakava-parašok, cukrovuju pudru i inšuju pradukcyju.
Pry najaŭnaści zajavak na kuplu raz u tydzień na tarhach dajuć uzory pradukcyi.
Letaś na BUTB upieršyniu pradali partyju trufielaŭ. Ahulnaja suma čatyroch uhodaŭ skłała 97 tysiač rubloŭ.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ5
Kamientary
sočnaje fota...