Гаворка ідзе пра партыю 40 тон.
На Беларускай універсальнай таварнай біржы зарэгістраваная першая біржавая ўгода па закупцы свежых ківі, расказалі Office Life у прэс-службе БУТБ.
У таргах удзельнічалі шэсць кампаній-пастаўшчыкоў. Пакупніком садавіны стала «адно з вядучых айчынных прадпрыемстваў харчовай прамысловасці», пракаментавалі на біржы.
Па даных пляцоўкі, у 2023 годзе біржавыя ўгоды па куплі і продажы гародніны, садавіны, бакалеі і харчовай сыравіны рэгулярна здзяйснялі каля 170 кампаній.
Самым вялікім попытам карысталіся комплексныя харчовыя дабаўкі, ізалят соевага бялку, пшанічная клейкавіна, ферментныя прэпараты, какава-парашок і ялавічны бялок. На гэтыя тавары агулам прыйшлося 59% угодаў.
А непасрэдна ў плодаагароднінным кірунку лідарамі продажаў былі свежыя персікі, грушы і рэпчатая цыбуля.
Гандлёвыя сесіі па харчовай сыравіне, бакалеі і плодаагародніннай прадукцыі праводзяцца на БУТБ двойчы на тыдзень.
На таргах прадстаўляюць свежыя садавіну і гародніну, арэхі і сухафрукты, какава-парашок, цукровую пудру і іншую прадукцыю.
Пры наяўнасці заявак на куплю раз у тыдзень на таргах даюць узоры прадукцыі.
Летась на БУТБ упершыню прадалі партыю труфеляў. Агульная сума чатырох угодаў склала 97 тысяч рублёў.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў2
Каментары
сочнае фота...