Nočču bieśpiłotniki atakavali «Bransknaftapradukt». Harać reziervuary z palivam
Pavodle infarmacyi ASTRA, na pradpryjemstvie «Rasnafty» ŭ Klincach u vyniku ataki bieśpiłotnikaŭ zaharelisia 4 reziervuary z palivam ahulnaj vahoj bolš za 3100 ton. Płošča pažaru dasiahnuła tysiačy kvadratnych mietraŭ.
Paciarpiełych niama, ale bolš za 30 miascovych žycharoŭ pryjšłosia evakuiravać.
Taksama siońnia adbyłasia ataka dronaŭ na terminał «Novateka» va Uść-Łuzie. Adkaznaść za jaho ŭziała SBU.
Pa infarmacyi «Hromad́skie», pa terminale byŭ naniesieny dakładny ŭdar, u vyniku jakoha pačaŭsia maštabny pažar. Krynica padkreśliła, što hetaja ataka značna ŭskładnić łahistyku paliva dla rasijskich vajskoŭcaŭ.
«Terminał «Uść-Łuh Ojł» u Leninhradskaj vobłaści — važny abjekt dla voraha. Tam pierapracoŭvajuć paliva, jakoje, u pryvatnaści, pastaŭlajecca i dla vojskaŭ RF», — dadała krynica RBK-Ukraina.
Akramia hetaha, ŚMI sa spasyłkaj na krynicy ŭ śpiecsłužbach pišuć, što ŭ noč na 21 studzienia bieśpiłotniki atakavali zavod «Ščahłoŭski vał» u Tule i inšyja, jak śćviardžajecca, vajskovyja abjekty ŭ Arłoŭskaj i Smalenskaj abłaściach. Krynicy vydańniaŭ nazvali hetyja ŭdary «płanavaj pracaj» Hałoŭnaha ŭpraŭleńnia raźviedki Minabarony Ukrainy.
RBK-Ukraina ŭdakładniaje , što «Ščahłoŭski vał» vyrablaje zienitna-rakietnyja kompleksy «Pancyr-Z» i «Pancyr-S1». Miascovyja ŭłady ab napadzie na zavod nie paviedamlali.
-
Piaty NPZ u Rasii spyniŭ pierapracoŭku nafty paśla ataki bieśpiłotnikaŭ
-
Kolkaść zahinułych u Kijevie praz rasijskuju ataku dasiahnuła 25 čałaviek
-
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary