Ноччу беспілотнікі атакавалі «Бранскнафтапрадукт». Гараць рэзервуары з палівам
Паводле інфармацыі ASTRA, на прадпрыемстве «Раснафты» ў Клінцах у выніку атакі беспілотнікаў загарэліся 4 рэзервуары з палівам агульнай вагой больш за 3100 тон. Плошча пажару дасягнула тысячы квадратных метраў.
Пацярпелых няма, але больш за 30 мясцовых жыхароў прыйшлося эвакуіраваць.
Таксама сёння адбылася атака дронаў на тэрмінал «Новатэка» ва Усць-Лузе. Адказнасць за яго ўзяла СБУ.
Па інфармацыі «Громадьске», па тэрмінале быў нанесены дакладны ўдар, у выніку якога пачаўся маштабны пажар. Крыніца падкрэсліла, што гэтая атака значна ўскладніць лагістыку паліва для расійскіх вайскоўцаў.
«Тэрмінал «Усць-Луг Ойл» у Ленінградскай вобласці — важны аб'ект для ворага. Там перапрацоўваюць паліва, якое, у прыватнасці, пастаўляецца і для войскаў РФ», — дадала крыніца РБК-Украіна.
Акрамя гэтага, СМІ са спасылкай на крыніцы ў спецслужбах пішуць, што ў ноч на 21 студзеня беспілотнікі атакавалі завод «Шчаглоўскі вал» у Туле і іншыя, як сцвярджаецца, вайсковыя аб'екты ў Арлоўскай і Смаленскай абласцях. Крыніцы выданняў назвалі гэтыя ўдары «планавай працай» Галоўнага ўпраўлення разведкі Мінабароны Украіны.
РБК-Украіна ўдакладняе , што «Шчаглоўскі вал» вырабляе зенітна-ракетныя комплексы «Панцыр-З» і «Панцыр-С1». Мясцовыя ўлады аб нападзе на завод не паведамлялі.
Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве8
Каментары