Šaranhovič zakinuŭ 20-ju šajbu ŭ hetym siezonie NCHŁ. Heta samy ŭdały jaho siezon
Praŭda, jahony «Kałhary» sastupiŭ u chatnim matčy «Sent-Łuisu» ź likam 3:4.
Jahor zabiŭ hoł na 32-j chvilinie i dazvoliŭ kamandzie adarvacca ŭ liku, ale «Sent-Łuis» u vyniku vyrvaŭ u aviertajmie pieramohu. Taksama Šaranhovič addaŭ siońnia halavuju pieradaču.
Biełaruski forvard pravioŭ na lodzie 19 chvilin i 16 siekund i zaviaršyŭ jaho z pakazčykam «+1».
Jak tolki zaŭziatary «Kałhary» proźvišča Sharangovich pa-dobramu nie pierajnačvajuć: i Sharangolich i Sharandaddych
U Jahora ŭ hetym siezonie NCHŁ užo 34 ački pa sistemie hoł+pas u 37 matčach.
Biełarus pravodzić vydatny siezon. U minułym hodzie, kali chłopiec hulaŭ za «Ńju-Džersi», u jaho było ŭsiaho 13 šajbaŭ i 17 halavych asistaŭ u 75 matčach. Dva hady tamu ŭ jaho było 24 šajby i 22 asisty ŭ 76 hulniach. A ŭ pieršy siezon u NCHŁ (2020-2021) Jahor u 55 pajadynkach zakinuŭ 16 šajbaŭ i zrabiŭ 14 asistaŭ.
Kab jašče «Kałhary» viesialej hulaŭ. Kamanda pakul zajmaje 12-je miesca ŭ Zachodniaj kanfierencyi, majučy 47 bałaŭ u 47 matčach i na čatyry ački adstajučy ad zony płej-of. Da zaviaršeńnia rehularnaha čempijanatu «Fłejmz» zastałosia pravieści 25 pajadynkaŭ.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj64
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Kamientary