Znachodki letašnich archieałahičnych raskopak na Miency dadajuć Minsku ŭzrostu
Pavodle papiarednich vynikaŭ radyjevuhlarodnaha analizu, Minsk moža akazacca našmat starejšym, čym pryniata ličyć, piša «Budźma».
Instytut historyi NAN Biełarusi pravodzić daśledavańni minskaha zamčyšča ŭ vioscy Haradzišča. Užo znojdziena niamała artefaktaŭ, jakija śviedčać pra sapraŭdy bahatuju historyju našaj stalicy. Siarod ich, naprykład, donca harška z asabistym hierbam kniazia Iziasłava, vytančanaja kafla z vasilkami, hrabieńčyk, jakomu 1000 hadoŭ.
Akramia taho, što sioleta raskopki pad kiraŭnictvam archieołaha Andreja Vajciachoviča vydalisia nadzvyčaj udałymi, stała viadoma, što, vidać, Minsk prynamsi na paru dziasiatkaŭ hadoŭ starejšy, čym my dumali, paviedamili ŭ instahramie muzieja «Stary Miensk».
Pakul papiaredni radyjevuhlarodny analiz daje raźbiežku kala 200 hadoŭ. Zhodna jamu, draŭlanaja ściana ŭ asnovie vała datujecca ad 750 da 991 hoda, a draŭlany naścił — pamiž 1323 i 1446 hadami. Heta značyć, što zamak na Miency i, adpaviedna, sam Minsk mahli być zasnavanyja ź siaredziny VIII da kanca X stahodździa.
Pry vialikaj raźbiežcy, śćviardžajuć archieołahi, pryniata brać siaredniaje značeńnie. Aficyjna adlik uzrostu biełaruskaj stalicy pačynajecca ź pieršaj letapisnaj zhadki — 1067 hoda.
Paviedamlajecca, što napieradzie nas čakajuć vyniki bolš dakładnaha, dendrachranałahičnaha analizu, dzie pa kolcach na dubovych śpiłach možna vyznačyć datu z dakładnaściu da hoda.
Padčas raskopak na miescy staroha Mienska znajšli manietu, jakoj 1250 hadoŭ
Premjer Hałoŭčanka pra budučy muziej na Miency: Heta miesca pavinna stać vizitnaj kartkaj Minska
Archieałahičny kompleks na Miency abiacajuć zrabić novym brendam Biełarusi
«Dylema našych biełaruskich archieołahaŭ — adkul pačynaŭsia Minsk». Što znajšli na raskopkach kala Mienki?
Kamientary