U Bahdadzie ŭdaram z drona zabili lidara hrupoŭki «Kataib Chiezbała»
Abu Bakir al-Saadzi z dvuma achoŭnikami znachodziŭsia ŭ mašynie, jakaja patrapiła pad udar amierykanskaha bieśpiłotnika. Usie troje zahinuli.
U Pientahonie zajavili, što Abu Bakr al-Saadzi niasie adkaznaść za arhanizacyju napadaŭ na amierykanskich vajskoŭcaŭ u rehijonie, piša Bi-bi-si.
ZŠA abvinavačvajuć irakskuju hrupoŭku «Kataib Chiezbała», jakuju jany ličać terarystyčnaj, u napadzie na amierykanskuju bazu ŭ Iardanii, u vyniku jakoha ŭ studzieni zahinuli try amierykanskija vajskoŭcy.
Zasnavanaja paśla ŭvarvańnia ZŠA ŭ Irak vajenizavanaja šyickaja «Kataib Chiezbała» źjaŭlajecca adnoj z klučavych siarod tych blizkich da Irana hrupovak, jakija ŭ apošnija miesiacy abstrelvali amierykanskija bazy ŭ rehijonie.
Pa zajavie ZŠA, «Kataib Chiezbała» ciesna źviazana ź iranskim Korpusam vartavych Isłamskaj revalucyi (KVIR) i nieadnarazova atrymlivała dapamohu i padtrymku Irana, jakuju vykarystoŭvała dla napadaŭ na kaalicyjnyja siły.
U studzieni, paśla napadu na amierykanskuju bazu ŭ Iardanii «Kataib Chiezbała» zajaviła, što prypyniaje napady na amierykanskija vojski, kab nie stavić u niajomkaje stanovišča irakskija ŭłady.
Tym nie mienš amierykancy zładzili hety zamach u sieradu ŭviečary ŭ bahdadskim rajonie Maštał. Heta byŭ dakładny ŭdar pa mašynie, jakaja ruchałasia na ažyŭlenaj vulicy.
Centralnaje kamandavańnie ZŠA zajaviła, što ataka była praviedziena ŭ 21:30 pa miascovym časie, u vyniku byŭ zabity «kamandujučy, adkazny za niepasrednaje płanavańnie i ŭdzieł u napadach na siły ZŠA ŭ rehijonie».
«Na hety momant niama nijakich prykmiet spadarožnaha škody abo achviar siarod cyvilnaha nasielnictva», — havorycca ŭ zajavie Centkama.
Kali na miesca zdareńnia prybyła kamanda Bi-bi -si, tam užo sabralisia natoŭpy pratestoŭcaŭ, jakija skandavali: «Amieryka — samy vialiki djabał».
Ciapier čytajuć
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu4
Kamientary
kto žie tam biez finansov budiet ałachakbar orať?