Devid Kemieran zaklikaŭ Kanhres ZŠA nie paŭtarać z Pucinym pamyłak, dapuščanych z Hitleram
Bolš jarkaha prykładu, kali adna kraina napała na inšuju bieź jakich-niebudź padstaŭ, ciažka sabie ŭjavić, — pierakonvaje kanhresmienaŭ ministr zamiežnych spraŭ Brytanii.
Ministr zamiežnych spraŭ i były premjer-ministr Vialikabrytanii Devid Kemieran zaklikaŭ amierykanskich kanhresmienaŭ nie paŭtarać z Pucinym pamyłak, dapuščanych padčas palityki prymireńnia ŭ dačynieńni da Hitlera, i terminova ŭchvalić pastanovu ab šmatmiljardnaj vajskovaj dapamozie Ukrainie, piša Bi-bi-si.
«Ja nie chaču, kab my prademanstravali słabaść, prajaŭlenuju ŭ dačynieńni da Hitlera ŭ 1930-ch […] Ja nie chaču, kab my prademanstravali słabaść, prajaŭlenuju ŭ dačynieńni da Pucina ŭ 2008-m, kali jon uvarvaŭsia ŭ Hruziju, abo niaŭpeŭnienaść našaha adkazu ŭ 2014-m, kali jon zachapiŭ Krym i bolšuju častku Danbasa — kab ździejśnić novy akt ahresii ŭ 2022, jaki abychodzicca nam značna daražej», — napisaŭ łord Kemieran u artykule ŭ amierykanskim internet-vydańni The Hill.
Bolš jarkaha prykładu, kali adna kraina napała na inšuju bieź jakich-niebudź padstaŭ, ciažka sabie ŭjavić, — pierakonvaje Kemieran kanhresmienaŭ ZŠA.
«Na adnym baku — Pucin, jaki spadziajecca pašyryć jahonuju impieryju, prosta pierasiedzieŭšy Zachad. Jon dumaje, što my słabyja. Jon dumaje, što jamu sydzie z ruk hety akt ahresii, samy šakavalny z tych, što my bačyli za ŭsio naša žyćcio», — piša kiraŭnik Foryn-ofisa.
«A na druhim baku — my, — praciahvaje Kemieran. — U nas jość resursy, ekanamičnaja moc, viedy. Naša ekanomika macniejšaja za rasijskuju ŭ 25 razoŭ. Im daviałosia źviartacca pa dapamohu da Pchieńjana. Usio, što nam treba zrabić — heta prymianić svaju siłu. Pytańnie: ci jość u nas vola?»
Asobny abzac Kemieran pryśviaciŭ papularnym prynamsi ŭ pieršyja hod-paŭtara vajny razvaham ab tym, što pieradača Ukrainie sučasnaj zbroi moža pryvieści da niejkaj eskałacyi. Kemieran ich adkidaje.
«My dakazali, što niebiaśpieka eskałacyi — heta iluzija. Brytanija pieršaj dała ŭsio, ad supraćtankavaj zbroi da artyleryi, tankaŭ i ciapier jašče i dalnabojnych srodkaŭ, takich jak rakiety Storm Shadow. Kožny raz Pucin rabiŭ vajaŭničyja zajavy ab eskałacyi — i kožny raz heta akazvałasia prosta rytorykaj», — nahadvaje były premjer-ministr Vialikabrytanii.
Jeŭropie treba dziesiać hadoŭ, kab całkam padrychtavacca da abarony — kiraŭnik Rheinmetal
Jakija krainy ryzykujuć zastacca biez abarony, kali prezidentam ZŠA stanie Donald Tramp
«Heta biazmozhła, heta haniebna». Bajden rezka abrynuŭsia na Trampa za jaho pramovy pra niežadańnie abaraniać sajuźnikaŭ pa NATO
Kreml nakont płanaŭ Pucina zamarozić vajnu: Nie, heta niapraŭda
«Ja nie budu vas abaraniać, budu zaachvočvać Rasiju rabić usio, što im zachočacca». Tramp zhadaŭ staruju razmovu z sajuźnikami pa NATA
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»17
Kamientary