U prodažy źjaviŭsia abnoŭleny Geely Emgrand. Što aproč cany źmianiłasia ŭ samaj papularnaj madeli biełaruska-kitajskaj vytvorčaści
I ci možna nabyć mašynu, nie čakajučy niekalki miesiacaŭ u čarzie.
Što źmianiłasia?
U sałony dyleraŭ Geely pastupili abnoŭlenyja Emgrand — samy tanny aŭtamabil u liniejcy biełaruska-kitajskaha vytvorcy.
Źniešnija źmieny nie značnyja: rašotka radyjatara stała matavaj, chramavanyja mołdynhi ŭzdoŭž akonnaj linii — čornymi. Źjaviłasia knopka adkryćcia bahažnika.
U sałonie — abnoŭleny multymiedyjny dyspłej dyjahanallu 12,3 cali.
Kudy bolš značnyja źmieny adbylisia pad kapotam. Novy mator maje mahutnaść 122 k.s zamiest 103 k.s u darestajlinhavaj viersii. U viersijach z AKPP, na zamienu varyjataru, pryjšła kłasičnaja AKPP.
Što pa čym?
Paśla abnaŭleńnia pamiž bazavaj viersijaj Standart i topavaj Flagship źjaviłasia kamplektacyja Comfort, jakaja idzie ŭ kamplekcie z AKPP. Kaštuje jana ad 62 400 rubloŭ (kala $19 250). Ale «kamfortnaj» viersiju Comfort nazvać składana. U aŭtamabila koštam amal 20 tysiač dalaraŭ niama takoj banalnaj funkcyi, jak kruiz-kantrol. Jana źjaŭlajecca tolki ŭ samaj darahoj kamplektacyi — Flagship.
Razam z bolš mahutnym matoram i kaśmietyčnymi źmienami ŭ źniešnim vyhladzie pryjšli novyja ceny.
Paśla restajlinhu, aŭtamabil u bazavaj kamplektacyi padaražeŭ na 8 400 rubloŭ (kala $2600), a ŭ topavaj adrazu na 10 900 rubloŭ (kala $3350).
Takim čynam, samaja tannaja mašyna z madelnaha šerahu Geely pradstaŭlenaha ŭ Biełarusi ciapier kaštuje ad 57 600 rubloŭ (kala $17 800), a ŭ topavaj kamplektacyi ad 56 900 rubloŭ (kala $21 000).
Madel abnoŭlenaja, a čerhi staryja?
U Minsku možna adšukać u najaŭnaści niekalki mašyn u topavaj kamplektacyi (ceny ad 56 900 rubloŭ), ale vybar pa kolerach usio adno abmiežavany.
U Homieli, naprykład, Geely Emgrand u najaŭnaści niama zusim. Čakać aŭtamabil daviadziecca 2-3 miesiacy. Anałahičnaja situacyja i ŭ inšych rehijonach krainy. Ciapier aŭtamabili kuplajuć u asnoŭnym tyja, chto staŭ u čarhu jašče vosieńniu minułaha hoda.
Adnak, rost cen na 2600—3350 dalaraŭ moža prymusić častku ludziej ź lista čakańnia admovicca ad pakupki aŭto. Takim čynam, čas čakańnia moža krychu skaracicca.
Jak i raniej, prablem z najaŭnaściu niama tolki ŭ vypadku z bolš darahimi madelami. A voś u achvotnych nabyć Emgrand, X50 abo Atlas Pro pryjści ŭ sałon i adrazu źjechać na novym aŭto nie atrymajecca.
Čytajcie taksama:
U Biełarusi pradajuć novyja miniveny «Łada». Ale vam naŭrad ci zachočacca płacić za ich amal 30 tysiač dalaraŭ
U Biełaruś pryvieźli na prodaž redkuju Geely za 13 000 dalaraŭ. Voś jak jana vyhladaje
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary