Jakija nasielenyja punkty Rasija pasprabuje zachapić paśla Aŭdziejeŭki?
Śpikier ukrainskaj apieratyŭna-stratehičnaj hrupoŭki vojskaŭ «Taŭryja» Dźmitryj Lichavy apisvaje karcinu.
«Samym aktyŭnym u nas źjaŭlajecca Novapaŭłaŭski kirunak — heta na zachad ad horada Marjinka, dzie praciŭnik zasiarodžvaje asnoŭnyja namahańni paśla vychadu ŭkrainskich vojskaŭ z Aŭdziejeŭki.
U pryvatnaści, jon kidaje vielizarnyja siły na zachop vioski Novamichajłaŭka Danieckaj vobłaści, a taksama siołaŭ Hieorhijeŭka i Pabieda, i Krasnahoraŭki (kala Marjinki). Za ŭčora tam zafiksavana 27 šturmavych sprobaŭ rasiejcaŭ», — skazaŭ jon u efiry telemarafona ŭ piatnicu, pryvodzić jaho słovy «Interfaks-Ukraina».
U svaju čarhu na Arechaŭskim kirunku vorah dziejničaje «krychu dziŭnym čynam», dadaŭ Lichavy.
«Jon nazapašvaje čas ad času niejkija asnoŭnyja resursy dla niejkaha značnaha ŭdaru broniekałonaj ź dziesiatkami adzinak techniki. Jany źniščajucca padčas hetaj ataki, a dalej jon pierachodzić užo da zvyčajnaj taktyki małymi šturmavymi hrupami, časam z užyvańniem bronietechniki, jakaja vykidvaje piachotu ŭ centry taho ž siała Rabocina», — raspavioŭ jon.
Rasiejcy praciahvajuć kidać siły ŭ kirunku Rabocina.
«Jak miarkujecca, heta mienavita palityčnaja meta — adbić hety rabocinski vystup. Tamu što my havorym pra terytoryi, jakija byli deakupavanyja siłami abarony Ukrainy padčas nastupalnaj kampanii letam minułaha hoda. Dla rasiejcaŭ, imavierna, hetaje pytańnie źjaŭlajecca pryncypovym. Mienavita tamu jany kidajuć tudy značnyja reziervy, resursy i bjucca ab Rabocina, jak iłbom ab ścianu. Niasuć tam vielmi vialikija straty, ale nie pakidajuć hetych sprobaŭ», — skazaŭ Lichavy.
Jon adznačyŭ, što Rabocina zastajecca pad kantrolem ukrainskich sił, choć tam užo «niama za što začapicca, kaštoŭnaści jak dla fartyfikacyi jano nie składaje».
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary