U presie źjavilisia pieršyja fota pryncesy Uelskaj paśla retušavanaj fatahrafii. Jana na fota paśmichajecca
Videakadry byli źniatyja vidavočcam u minułyja vychodnyja, kali Kiejt razam z mužam naviedała fiermierskuju kramu niedaloka ad Vindzorskaha zamka.
Sun i inšyja brytanskija haziety ŭviečary ŭ paniadziełak apublikavali na svaich sajtach fota Ketryn, pryncesy Uelskaj (narodžanaja Kiejt Midłtan). Heta pieršaje viadomaje źjaŭleńnie jaje na publicy z Kaladaŭ, piša Bi-bi-si.
EXCLUSIVE: Princess Kate seen on video for first time since surgery - and she's looking great! Watch it here: https://t.co/zJALDJ05BV https://t.co/zJALDJ05BV
Videakadry byli źniatyja vidavočcam u minułyja vychodnyja, kali Kiejt razam z mužam naviedała fiermierskuju kramu niedaloka ad Vindzorskaha zamka, piša Sun.
U pačatku hoda pryncesa Uelskaja pieraniesła apieracyju ŭ brušnoj paražninie (jaje detali nie raskryvalisia) i admoviłasia ad usich publičnych mierapryjemstvaŭ da poŭnaha adnaŭleńnia.
Čakajecca, što jana vierniecca da svaich abaviazkaŭ paśla Vialikadnia 31 sakavika
Takaja praciahłaja adsutnaść na publicy sparadziła mnostva kanśpirałahičnych teoryj, i jašče bolš ich paŭpłyvała na padziei, źviazanyja z publikacyjaj jaje aficyjnaj fatahrafii 10 sakavika.
Viadučyja ahienctvy nieŭzabavie adklikali zdymak, vyjaviŭšy ŭ im prykmiety ličbavaj manipulacyi.
Na nastupny dzień Ketryn paprasiła prabačeńnia za ŭźnikłaje nieparazumieńnie, rastłumačyŭšy jaho ŭłasnymi ekśpierymientami ŭ jakaści fatohrafa-pačatkoŭca.
Na novych kadrach pryncesa vyhladaje zdarovaj i adpačyłaj, što moža raźviejać śpiekulacyi vakoł jaje stanu chacia b častkova.
U prynca Uiljama (jaki ŭ apošnija miesiacy taksama staŭ źjaŭlacca na publicy radziej, tłumačačy heta nieabchodnaściu kłapacicca pra žonku, i navat minimum adzin raz admianiŭ užo anansavany ŭdzieł u cyrymonii) na aŭtorak zapłanavana publičnaje mierapryjemstva: jon naviedaje Šefiłd, kab daviedacca ab prajekcie pa baraćbie ź biazdomnaściu, jaki jon kuryruje.
Biazdomnaść — surjoznaja prablema dla Šefiłda: za minuły hod tam zarehistravalisia ŭ jakaści biazdomnych 4 tysiačy čałaviek abo siemjaŭ, heta rekordnaja ličba z tych časoŭ, jak haradskaja meryja pačała źbirać takuju statystyku, i na 500 bolš, čym hodam raniej.
Ciapier čytajuć
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali13
Na liniejku ŭ «Minsk-Śviecie» pryjšło stolki ludziej, što baćki stajali za płotam. Ale ludzi aburany, što nie ŭsie kłasy paklikali
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary