Свет22

У прэсе з'явіліся першыя фота прынцэсы Уэльскай пасля рэтушаванай фатаграфіі. Яна на фота пасміхаецца

Відэакадры былі знятыя відавочцам у мінулыя выходныя, калі Кейт разам з мужам наведала фермерскую краму недалёка ад Віндзорскага замка.

Sun і іншыя брытанскія газеты ўвечары ў панядзелак апублікавалі на сваіх сайтах фота Кэтрын, прынцэсы Уэльскай (народжаная Кейт Мідлтан). Гэта першае вядомае з'яўленне яе на публіцы з Калядаў, піша Бі-бі-сі.

Відэакадры былі знятыя відавочцам у мінулыя выходныя, калі Кейт разам з мужам наведала фермерскую краму недалёка ад Віндзорскага замка, піша Sun.

У пачатку года прынцэса Уэльская перанесла аперацыю ў брушной паражніне (яе дэталі не раскрываліся) і адмовілася ад усіх публічных мерапрыемстваў да поўнага аднаўлення.

Чакаецца, што яна вернецца да сваіх абавязкаў пасля Вялікадня 31 сакавіка

Такая працяглая адсутнасць на публіцы спарадзіла мноства канспіралагічных тэорый, і яшчэ больш іх паўплывала на падзеі, звязаныя з публікацыяй яе афіцыйнай фатаграфіі 10 сакавіка.

Вядучыя агенцтвы неўзабаве адклікалі здымак, выявіўшы ў ім прыкметы лічбавай маніпуляцыі.

На наступны дзень Кэтрын папрасіла прабачэння за ўзніклае непаразуменне, растлумачыўшы яго ўласнымі эксперыментамі ў якасці фатографа-пачаткоўца.

На новых кадрах прынцэса выглядае здаровай і адпачылай, што можа развеяць спекуляцыі вакол яе стану хаця б часткова.

У прынца Уільяма (які ў апошнія месяцы таксама стаў з'яўляцца на публіцы радзей, тлумачачы гэта неабходнасцю клапаціцца пра жонку, і нават мінімум адзін раз адмяніў ужо анансаваны ўдзел у цырымоніі) на аўторак запланавана публічнае мерапрыемства: ён наведае Шэфілд, каб даведацца аб праекце па барацьбе з бяздомнасцю, які ён курыруе.

Бяздомнасць — сур'ёзная праблема для Шэфілда: за мінулы год там зарэгістраваліся ў якасці бяздомных 4 тысячы чалавек або сем'яў, гэта рэкордная лічба з тых часоў, як гарадская мэрыя пачала збіраць такую ​​статыстыку, і на 500 больш, чым годам раней.

Каментары2

  • Кастусь
    19.03.2024
    да заколупали вы уже фотографиями принцесы уэльской
  • Тэкля
    19.03.2024
    Мабыць лепш напісаць "усміхаецца". "Пасміхаецца" мае іншае значэнне, тыпу "насмехается"
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ціханоўскі расказаў, што трэба было рабіць у жніўні 2020-га57

Ціханоўскі расказаў, што трэба было рабіць у жніўні 2020-га

Усе навіны →
Усе навіны

У Магілёве падчас непагадзі жанчыну забіла дрэвам, яшчэ чатыры чалавекі пацярпелі

Беларуска пасля платнай медыцыны пайшла ў дзяржаўную і расказала свае ўражанні7

У Абу-Дабі пачаліся перамовы Пашыняна і Аліева3

Чарга на польскай мяжы канчаткова рассмакталася2

Келаг: Украіне патрэбны новы «План Маршала»4

Не толькі «кітайцы». Якія бюджэтныя новыя аўто прапануе беларускі рынак8

Кіеў зазнаў масіраваную атаку дронамі і балістыкай

Непагадзь учора набедакурыла ў Магілёве2

Усе грошы экс-палітзняволенай Наталлі Дулінай сабралі за лічаныя гадзіны2

больш чытаных навін
больш лайканых навін

Ціханоўскі расказаў, што трэба было рабіць у жніўні 2020-га57

Ціханоўскі расказаў, што трэба было рабіць у жніўні 2020-га

Галоўнае
Усе навіны →

Заўвага:

 

 

 

 

Закрыць Паведаміць