«Z dobraj enierhietykaj». U Hrodnie pradajecca kvatera, u jakoj žyŭ Vasil Bykaŭ
Heta pieršaja ŭłasnaja kvatera Vasila Bykava ŭ Hrodnie.
«U samym centry horada, na vuł. Vialikaja Trajeckaja, d. 28, u cahlanym 3-paviarchovym domie 1958 h. p., na vysokim pieršym paviersie prapanujecca 3-pakajovaja kvatera. U hetaj kvatery žyŭ viadomy biełaruski piśmieńnik V. Bykaŭ», — havorycca ŭ abjavie.
Ahulnaja płošča 59,9 m kv., žyłaja — 40,8 m kv., prachadnaja zała — 15,7 m kv., spalnyja pakoi — 14,0 m kv. i 11 mkv, kuchnia — 6,2 m.kv. Vyšynia ścien — 3,08 m. Vykanany jak kapitalny ramont doma, tak i padjezda.
Jak havorycca ŭ abjavie, kvatera vielmi śvietłaja, ciopłaja, utulnaja, z žyłym ramontam, z dobraj enierhietykaj.
Za jaje prosiać kala 65 tysiač dołaraŭ.
Heta pieršaja ŭłasnaja kvatera, u jakoj žyŭ Vasil Bykaŭ u Hrodnie. Tut jon napisaŭ tvory: «Žuraŭliny kryk», «Treciaja rakieta», «Alpijskaja bałada», «Sotnikaŭ» i inšyja.
Vasil Bykaŭ žyŭ u Hrodnie 25 hadoŭ — z 1947 pa 1949 i z 1955 pa 1978 hod.
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?4
Kamientary