Śviet44

Čamu Izrail adbiŭ hrandyjozny ŭdar Irana? Biez dapamohi sajuźnikaŭ usio było b zusim nie tak radasna

Masiravanaja ataka Irana na jaŭrejskuju dziaržavu z treskam pravaliłasia, ale ŭsio nie tak prosta, a dalejšaje raźvićcio padziej ciažka sprahnazavać dakładna.

Izrailskaja sistema «Žalezny kupał» adbivaje rakietnuju ataku. AP Photo/Tomer Neuberg

Napad, ździejśnieny ŭ subotu 13 krasavika z boku Irana na Izrail, byŭ adkazam na avijaŭdar pa konsulstvie isłamskaj respubliki ŭ stalicy Siryi Damasku. Jon adbyŭsia 1 krasavika i pryvioŭ da hibieli siami členaŭ iranskaha Korpusu vartavych Isłamskaj revalucyi. Vinavatym Tehieran nazvaŭ Izrail.

U efiry Bi-bi-si pradstaŭnik CACHAŁ hienierał Piter Lernier zajaviŭ, što ŭ atacy byli zadziejničanyja 170 bieśpiłotnikaŭ, 30 kryłatych rakiet i 120 balistyčnych rakiet. U vyniku 99% ź ich byli źbityja. Što tyčycca mirnaha nasielnictva, to, jak piša Bi-bi-si, viadoma tolki pra paranienuju dziaŭčynku.

Taki pośpiech tłumačycca šeraham abstavin. Pieršaje — heta toje, što na praciahu dvuch tydniaŭ iranskija śpikiery roznaha ŭzroŭniu papiaredžvali pra padrychtoŭku ŭdaru ŭ adkaz. Heta dazvoliła Izrailu i jaho sajuźnikam padrychtavacca i raźmiaścić dadatkovyja srodki baraćby z pavietranymi celami, u tym liku eśmincy.

Druhim faktaram źjaŭlajecca dapamoha Izrailu jaho sajuźnikaŭ. U adbićci masiravanaha nalotu prymali ŭdzieł vajskoŭcy ZŠA, Vialikabrytanii, Francyi i Iardanii.

Tak, amierykanski eśminiec ź sistemaj SPA AEGIS źbiŭ nie mienš za try balistyčnyja rakiety. Asabliva važnuju rolu ŭ źniščeńni bieśpiłotnikaŭ adyhrali amierykanskija, brytanskija i iardanskija vajskovyja samaloty. Bolšaść iranskich bieśpiłotnikaŭ i rakiet byli źniščanyja jašče da taho, jak dasiahnuli pavietranaj prastory Izraila. Dziasiatki dronaŭ źbili nad svajoj terytoryjaj iardanskija VPS.

Niemałavažnym źjaŭlajecca i faktar adlehłaści. Zapuščanyja z terytoryi Irana, rakiety i drony pavinny byli pralacieć šmat sotniaŭ kiłamietraŭ da celi praz terytoryi niekalkich krain. Što taksama dało dastatkova času na padrychtoŭku da ich sustrečy.

Puskavaja ŭstanoŭka «Žalezny kupał» zapuskaje rakietu. Fota: Wikimedia Commons

Vidavočnym, jak piša Bi-bi-si, źjaŭlajecca toj fakt, što subotniaja ataka adsunuła roznahałośsi, jakija isnavali pamiž Izrailem i jaho sajuźnikami na Zachadzie adnosna kanfliktu ŭ Hazie, na druhi płan. ZŠA i ich sajuźniki zapatrabavali ad Tehierana spynić eskałacyju kanfliktu.

Što dalej?

Adnak, jak piša vydańnie The Wall Street Journal, zastajecca adkrytym pytańnie, ci zmohuć Izrail i jaho prychilniki paŭtaryć paśpiachovyja dziejańni va ŭmovach tatalnaj vajny.

Vyklikaje pytańnie i zdolnaść Izraila abaranić siabie bieź źniešniaj dapamohi. Viadoma, što prezident ZŠA Bajden papiaredziŭ premjer-ministra Izraila Nietańjachu, što nie padtrymaje ŭdar u adkaz: Amieryka nie budzie ŭ im udzielničać.

Srodki pierachopu, asabliva sistemy Arrow i Patriot, jakija vykarystoŭvajucca suprać balistyčnych rakiet, nadzvyčaj darahija, a ich kolkaść abmiežavanaja. Situacyju ŭskładniaje i pazicyja Kanhresa ZŠA, jaki zatarmaziŭ pakiet vajskovaj dapamohi Izrailu, Ukrainie i Tajvaniu.

murał z vyjavaj prezidenta ZŠA Džo Bajdena jak supierhieroja, jaki abaraniaje Izrail, na vulicy Tel-Aviva mural depicting the U.S. president Joe Biden as a superhero defending Israel on a street in Tel Aviv
Murał z vyjavaj prezidenta ZŠA Džo Bajdena jak supierhieroja, jaki abaraniaje Izrail, na vulicy Tel-Aviva. 14 krasavika 2024 hoda. Fota: AP Photo/Leo Correa

Ale va ŭmovach pramoj pahrozy niepasredna ad Tehierana hałasy prapalestynskich palitykaŭ i prychilnikaŭ embarha na pastaŭki zbroi Izrailu naŭrad ci buduć pačutyja.

U toj ža čas treba mieć na ŭvazie, što padčas subotniaj ataki była vykarystana tolki małaja častka vializnaha arsienała bieśpiłotnikaŭ i rakiet Isłamskaj Respubliki. Tehieran taksama trymaje ŭ reziervie svaje livanskija maryjanietačnyja siły — hrupoŭku «Chiezbała», jakaja maje tysiačy rakiet i snaradaŭ.

I choć u subotu iranskija rakiety pieraadoleli abaronu tolki niekalki razoŭ, iranskija vajskoŭcy atrymali kaštoŭnyja źviestki, nazirajučy za pracaj izrailskich i amierykanskich SPA.

Abdumvajučy miery ŭ adkaz, Izrail pavinien uličvać intaresy svaich arabskich partnioraŭ, takich jak Iardanija, Saudaŭskaja Aravija i Abjadnanyja Arabskija Emiraty. Niahledziačy na narodny hnieŭ adnosna zabojstva dziasiatkaŭ tysiač paleścincaŭ padčas izrailskich vajennych apieracyj u Hazie, Iardanija i inšyja partniory dapamahli Izrailu adbicca ad iranskich rakiet i bieśpiłotnikaŭ u subotu.

Vajenny kabiniet Izraila, jak piša Bi-bi-si, sprabuje raspracavać taki varyjant udaru pa terytoryi Irana, jaki nie pryviadzie da eskałacyi. Adnym ź ich źjaŭlajecca ataka na atamnyja abjekty.

Miž tym, kiraŭnik hienieralnaha štaba Uzbrojenych sił Irana hienierał Machamad Bahiery vystupiŭ z pahrozaj: kali Izrail raspačnie dziejańni ŭ adkaz, «naša nastupnaja apieracyja budzie našmat maštabniejšaj».

The Wall Street Journal cytuje słovy dyrektara iranskaha prajektu Mižnarodnaj kryzisnaj hrupy Ali Vajeza (Ali Vaez) ab tym, što ŭ tym vypadku, kali Iran pryjdzie da vysnovy, što niedastatkova zvyčajnych srodkaŭ, jon moža schilicca da vykarystańnia jadziernaj zbroi.

Kamientary4

  • Žorž
    15.04.2024
    Nyniešniaja situacija sprovocirovana pravitielstvom bieni. On podstavił vsie nasielenije strany pod udar, Jeśli prodołžit dalšie svoju politiku, biedy nie iźbiežať. bienie s jeho kabinietom jastriebov pora na piensiju.
  • Anatol Starkou
    15.04.2024
    [Red. vydalena]
  • Buhaha
    15.04.2024
    Anatol Starkou ŭžo zahamaniŭ jak Šarykaŭ 😂
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Asudžany za «Hajun» da chimii brat Ihara Łosika ŭciok ź Biełarusi1

Asudžany za «Hajun» da chimii brat Ihara Łosika ŭciok ź Biełarusi

Usie naviny →
Usie naviny

Dziaŭčyna chacieła arandavać u Minsku stylnuju dvuchpakajoŭku za $380, ale zapadozryła niadobraje

Piać hučnych dykpik-skandałaŭ apošnich hadoŭ12

«Pakul pašpart dziejničaje». Emihranty pra toje, ci nie strašna im adpraŭlać u Biełaruś dziaciej na letnija kanikuły1

Žychary rajcentra ŭ Viciebskaj vobłaści hadami skardziacca na drennuju vadu

Rasija naroščvaje vytvorčaść «šachiedaŭ» i nieŭzabavie zmoža zapuścić 2000 za adnu noč11

U Italii 78-hadovy mužčyna «ažyŭ» praz 30 chvilin paśla spynieńnia serca4

U Ciumienskaj vobłaści «hieroj SVA» zabiŭ svaju žonku ŭ dzień viasiella11

«Chacieŭ vyratavać chacia b niejkuju kolkaść ludziej». Dačka biełarusa, zatrymanaha pa spravie «Biełaruskaha Hajuna», raskazała pra baćku6

«Nievierahodny śpiektakl kryvadušnictva». Dźmitryj Hurnievič aburyŭsia ažyjatažam vakoł skandału na kancercie Coldplay25

bolš čytanych navin
bolš łajkanych navin

Asudžany za «Hajun» da chimii brat Ihara Łosika ŭciok ź Biełarusi1

Asudžany za «Hajun» da chimii brat Ihara Łosika ŭciok ź Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić