Rasijski markietpłejs Wildberries vyrašyŭ znoŭ vydavać biaspłatnyja pakiety klijentam ź Biełarusi, jakija zrabili zakaz. Heta tyčycca vialikich, siarednich i maleńkich pakietaŭ. Adnak na pakiety-majki novyja praviły nie raspaŭsiudžvajucca.
Adpaviednyja paviedamleńni pryjšli ŭ asabistyja kabiniety biełaruskich karystalnikaŭ markietpłejsa. Pry hetym adznačajecca, cana pakieta-majki zastaniecca na raniejšym uzroŭni — 5 rasijskich rubloŭ (aryjencirovačna 18 biełaruskich kapiejek).
Wildberries pačaŭ spahaniać z klijentaŭ ź Biełarusi hrošy za pakiety z 30 kastryčnika 2023 hoda. Cana ich varjiravałasia ŭ dyjapazonie 17-51 kapiejka ŭ zaležnaści ad pamieru pakieta.
Novaŭviadzieńnie ŭ kampanii tady patłumačyli kłopatam pra navakolnaje asiarodździe i imknieńniem unieści ŭkład u skaračeńnie kolkaści śmiećcia z utrymańniem płastyka. Ciapier, jak vyhladaje, hetyja zadačy pierastali być aktualnymi.
Ciapier čytajuć
20-hadovaja dziaŭčyna z Bresta zapisała žartaŭlivy tyktok pra śmierć u DTZ — i ŭ toj ža viečar raźbiłasia6
Kamientary