Navuka i technałohii33

Astranomy patencyjna znajšli ślady siami vysokaraźvitych cyvilizacyj

Hrupa daśledčykaŭ ź Vialikabrytanii, ZŠA, Šviecyi i Indyi zmahła ŭłavić «dziŭnyja sihnatury» z dalokich učastkaŭ kosmasu, jakija mohuć śviedčyć ab pracesie budaŭnictva «śfier Dajsana» — vieličeznych enierhastancyj, jakija achoplivajuć cełyja zorki. Detali mahčymaha adkryćcia raskazaŭ časopis Universe Today.

Ilustracyjnaja vyjava śfiery Dajsana. Fota: Rebekah Smith / Flickr

Praanalizavaŭšy teleskopnyja i absiervatornyja zdymki miljonaŭ zorak z roznych učastkaŭ dalokaha kosmasu, astranamičnaja kamanda ź niekalkich krain pryjšła da vysnovy, što zmahła ŭłavić sihnatury «patencyjnych vieličeznych technałahičnych majstravańniaŭ», viadomych jak śfiery Dajsana, piša Universe Today.

Hetyja śfiery, nazvanyja ŭ honar raspracoŭščyka ich kancepcyi brytanskaha fizika-tearetyka Frymana Dajsana, ujaŭlajuć saboj štučnyja masiŭnyja abałonki vakoł zorak, jakija pahłynajuć usiu ich enierhiju dla patreb razumnych istot.

Hetaje vynachodnictva dazvolić čałaviectvu žyć viečna. Raskazvajem, jak jaho pabudavać

Navukoŭcy zładzili daśledavańnie dziakujučy raspracoŭcy asablivaha instrumienta dla analizu vielizarnych masivaŭ danych, jaki na asnovie aptyčnych i infračyrvonych zdymkaŭ 5 miljonaŭ zorak znajšoŭ 368 abjektaŭ, što pa sihnatury i paramietrach mahli b być śfierami Dajsana. 

Dla źnižeńnia ŭzroŭniu chibnaści pry detalovym analizie ź liku patencyjnych kandydataŭ byŭ adkinuty jašče 361 abjekt, čyje paramietry i sihnatura z bolšaj dolej vierahodnaści mahli zasnoŭvacca i na naturalnych krynicach (kolcy pyłu, kaśmičnyja tumannaści i hetak dalej).

«U vyniku ŭ śpisie zastałosia 7 zorak, padobnych na kłas M (nievialikija čyrvonyja karliki), z roznych učastkaŭ dalokaha kosmasu, čyje sihnatury z dastatkova vysokaj vierahodnaściu dapuskali isnavańnie pablizu ich masiŭnych technałahičnych kanstrukcyj, jakija pahłynajuć enierhiju hetych zorak. Pryčym nivodnaja z hetych kanstrukcyj, pavodle analizu, jašče nie była dabudavanaja.

Sam patencyjny fakt takoha budaŭnictva śviedčyć pra isnavańnie ŭ tych rajonach vysokatechnałahičnych cyvilizacyj, jakija tolki-tolki pačynajuć mižzorkavyja vandravańni», — adznačajuć navukoŭcy.

Kancept-art śfiery Dajsana. Pamiery takoj enierhakanstrukcyi stvarajuć sihnaturu, jakaja ź vialikaj adlehłaści moža być zaŭvažanaja śpiecyjalnymi pryborami vyličeńnia ź Ziamli. Krynica: SentientDevelopments.com/Eburacum45

Daśledčyki taksama dadali, čto cyvilizacyi, zdolnyja budavać śfiery Dajsana, zajmajuć 2-je miesca ŭ hipatetyčnaj škale technałahičnaha raźvićcia imia Kardašova.

Usiaho ŭ škale Kardašova isnuje 3 typy (miescy) cyvilizacyj:

Pieršy typ: cyvilizacyja spažyvaje tuju kolskaść enierhii, jakaja suraźmiernaja kolkaści ŭsioj enierhii ad zorki, jakaja dachodzić da płaniety.
Druhi typ: cyvilizacyja atrymlivaje ŭsiu mahčymuju enierhiju ad svajoj zorki napramuju, vykarystoŭvajučy adpaviednyja technałohii (taja ž śfiera Dajsana).
Treci typ: cyvilizacyja zdolnaja spažyvać stolki enierhii, kolki vypracoŭvaje ŭsia hałaktyka.

Čałaviectva na siońniašni momant, pavodle škały Kardašova, zajmaje tolki kala 0,73% ad pieršaha typu cyvilizacyi.

Fryman Dajsan, brytanski fizik-tearetyk, jaki raspracavaŭ kancepcyju adnajmiennych śfier-enierhastancyj, jakija spažyvajuć enierhiju zorak napramuju. Fota: Eugene Richards/Getty Images
Mikałaj Kardašoŭ, saviecki astrafizik i stvaralnik adnajmienaj škały vyličeńnia ŭzroŭniu technałahičnaha raźvićcia razumnych cyvilizacyj. Fota: Wikimedia Commons

Pry hetym aŭtary daśledavańnia adznačyli, što sihnatura z vyšejzhadanych 7 zorak, niahledziačy na vysokuju vierahodnaść najaŭnaści vakoł ich śfier Dajsana, usio jašče moža mieć naturalnaje pachodžańnie. Lepšaje i bolš dakładnaje razumieńnie situacyi moža dać aptyčnaja śpiektraskapija tych abjektaŭ (adzin z samych prasunutych mietadaŭ analiza dalokich kaśmičnych ciełaŭ), adnak na heta «spatrebicca čas», padahulnili navukoŭcy.

Kamientary3

  • onhr
    16.05.2024
    łuchta
  • Svobodu inopłanietianam
    16.05.2024
    Udivitielno, sami siebie pridumyvajut vsiakije śfiery, riejtinh raźvitija civilizacij, biednyje inopłanietianie dažie nie dohadyvajutsia čto oni nie na piervom miestie i čto ich sołniečnaja batariejka nazyvajetsia dajson.
  • Aleh
    17.05.2024
    Cikava )
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Šrajbman: Ciapierašnija kanflikty ŭ apazicyi ŭžo mała kaho cikaviać14

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku11

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu6

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

U nazvach stancyj mietro na vychadach z padziemki źnikli niekatoryja litary1

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić