Zabaranili ŭvozić u Biełaruś šmat tavaraŭ z Polščy, Čechii i krain Bałtyi
Urad pašyryŭ zabaronu na ŭvoz i prodaž u Biełarusi tavaraŭ z «niedružalubnych krain». Va ŭradzie nazvali rašeńnie mierami ŭ adkaz na abmiežavańni, uviedzienyja ŭ dačynieńni da biełaruskaj pradukcyi, i hetym razam pastavili pa-za zakonam uvoz niekatorych tavaraŭ z Polščy, Čechii, Litvy, Łatvii i Estonii.
Pastanova Saŭmina ad 6 śniežnia 2021 hoda № 700 dapoŭnienaja davoli šyrokim pieralikam pradukcyi ź piaci pieraličanych krain.
U pryvatnaści, pad zabaronu trapili: piva i zbrodžanyja napoi, srodki dla dohladu za skuraj (a taksama dla vałasoŭ, haleńnia, hihijeny połaści rota i zuboŭ), dezadaranty, sastavy dla vannaŭ, myła i ačyščalnyja srodki.
Zabaroniena ŭvozić taksama dyvany dla padłoh, mužčynskuju tekstylnuju vopratku, abutak z naturalnaj skury, hałaŭnyja ŭbory, paścielnyja prynaležnaści, posud z farforu i škła, matracnyja asnovy, łaki, farby, plity, listy, plonki z płastmas, cetliki i etykietki z papiery i kardonu.
Akramia taho, urad całkam zabaraniŭ uvoz i realizacyju vady z «niedružalubnych krain», uklučajučy minieralnuju i hazavanuju.
Hetyja abmiežavańni nie raspaŭsiudžvajucca na ŭvoz pradukcyi hramadzianami dla asabistaha karystańnia.
Va ŭradzie śćviardžajuć, što havorka idzie pra miery ŭ adkaz na rašeńni, pryniatyja Łatvijaj ab zabaronie impartu ź Biełarusi charčovaj pradukcyi pa asobnych pazicyjach, i Litvoj ab zabaronie na adzin hod uvozu sielskahaspadarčaj pradukcyi i karmoŭ ź Biełarusi.
Jašče adnoj padstavaj dla kontrsankcyj staŭ padrychtavany rehłamient Rady ES, asnoŭnymi inicyjatarami jakoha vystupili piać krain (Łatvija, Litva, Polšča, Čechija i Estonija), jaki praduhledžvaje pavyšanyja pošliny na impart biełaruskaj sielhaspradukcyi.
U papiaredni raz takija maštabnyja abmiežavańni ŭvodzilisia ŭradam 14 sakavika ŭ dačynieńni da litoŭskich tavaraŭ z-za zakryćcia hetaj krainaj dvuch pahranpierachodaŭ na miažy ź Biełaruśsiu.
Vialikabrytanija ŭviała sankcyi suprać biełaruskaha aluminiju
Jakija krainy ciapier kuplajuć kalij u Biełarusi i kolki
Hałoŭny mytnik Biełarusi raskryŭ schiemy, jak abychodzić sankcyi. Paśla jaho adcenzuravali
Batončyk «Zariadiś» i maładziečanski «Rakforci». Jakija biełaruskija pradukty možna kupić u kramach zamiest impartnych?
ES rychtujecca ŭvieści pošliny na impart zbožža z Rasii i Biełarusi. Nakolki heta zakranie Biełaruś?
Jakich impartnych tavaraŭ bolš za ŭsio nie chapaje biełarusam?
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»17
Kamientary