Biełaruskaja skrypačka daść u Łondanie pieršy kancert, całkam pryśviečany sučasnaj biełaruskaj akademičnaj muzycy
Biełaruskaja skrypačka Jeva Vołkava, łaŭreatka mižnarodnych konkursaŭ i stypiendyjatka Karaleŭskaha kaledža muzyki ŭ Łondanie, dzie jana vučycca ŭ mahistratury, 23 žniŭnia daść svoj pieršy kancert u Vialikabrytanii, poŭnaściu pryśviečany sučasnaj akademičnaj biełaruskaj muzycy.
Solnaja karjera Jevy pačałasia ŭ 11 hadoŭ z debiutu ź Dziaržaŭnym simfaničnym arkiestram Biełarusi. Z taho času jana vystupała na scenach Carnegie Hall u Ńju-Jorku, Suntory Hall u Tokia, Barbican Hall i Bechstein Hall u Łondanie, a taksama ŭ Muziei muzyki ŭ Vieniecyi.
U łondanskaj carkvie St. James Piccadilly u 13 hadzin 23 žniŭnia jana razam ź pijanistkaj Raksanaj Šyni-Miechrabzade vykanaje tvory biełaruskich kampazitaraŭ, siarod jakich Halina Harełava, Volha Padhajskaja i Łarysa Simakovič.
Kancert budzie supravadžacca karotkimi lekcyjami pra biełaruskuju kulturu i muzyčnyja tradycyi.
Kamientary