Rasijski Nobieleŭski łaŭreat zaklikaŭ uklučyć punkt pra palitviaźniaŭ u pieramovy pamiž Rasijaj i Ukrainaj
Łaŭreat Nobieleŭskaj premii miru Dźmitryj Murataŭ źviarnuŭsia da Donalda Trampa i Papy Lva XIV z prośbaj uklučyć u mahčymyja pieramovy pamiž Rasijaj i Ukrainaj punkt pra palitviaźniaŭ.
Pavodle Muratava, havorka idzie pra pamiłavańnie i ŭkrainskich, i rasijskich viaźniaŭ: praciŭnikaŭ vajny i prychilnikaŭ «ruskaha śvietu». Na dumku Muratova, taki humanny krok moh by vyratavać sotni žyćciaŭ i dapamahčy ludziam, jakija znachodziacca za kratami tolki za svajo mierkavańnie.
Raniej Murataŭ užo zaklikaŭ Rasiju i Ukrainu abmianiać hramadzianskich źniavolenych: «Kali łaska, addajcie adzin adnamu hramadzianskich asob. Tych, chto siadzić va Ukrainie za prychilnaść da ruskaha śvietu, u abmien na tych, chto siadzić u rasijskich turmach i łahierach za niazhodu z vajnoj. Ale nie było praktyki abmienu ci ŭzajemnaha vyzvaleńnia — hramadzianskich na hramadzianskich. Nu treba heta pačynać. Addajcie, pakul jany žyvyja. Nu pačnicie z padletkaŭ, žančyn, chvorych, tych, u kaho dzieci pa damach siadziać».
Ciapier čytajuć
Delehatka KR Karpušonak paśla maŭčańnia apublikavała videa12
Delehatka KR Karpušonak paśla maŭčańnia apublikavała videa
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary
Nie było. Słušna kaža.
Jość "viedamasnaje" vyciahvańnie i abmien svaich vajaroŭ, špiehaŭ.
Ciažka z "nie zusim svaimi" vajarami, naprykład, biełarusami na baku Ukrainy. I kažuć, što Rasieja nie žadaje afišavać isnavańnie takich, i nie było čutak, što Ukraina pryncypova nastojvaje na takich abmienach.
"Partyzany" i hramadzianskija prosta z antyvajennaj pazicyjaj taksama nikomu nie cikavyja.
Jak by jašče zrabić "abmienny fond" z łukašystaŭ u Jeŭropie, kab jon pracavaŭ lehalna i sistemna.