Śviet22

Hiermanija ŭviała kantrol na miažy na čas čempijanatu Jeŭropy pa futbole

Zachady nakiravanyja suprać chulihanaŭ i džychadzistaŭ.

Fotv: Matthias Schrader / AP

Ź piatnicy pamiežnaja słužba Hiermanii pačała praviarać dakumienty ŭ tych, chto zajazdžaje na terytoryju krainy ź inšych dziaržaŭ Šenhienskaj zony. Praz tydzień u Hiermanii pačniecca čempijanat Jeŭropy ŭ futbole, i ŭłady krainy tłumačać uviadzieńnie pravierak imknieńniem nie dapuścić praniknieńnia ahresiŭnych futbolnych chulihanaŭ abo isłamisckich ekstremistaŭ, piša Bi-bi-si.

Hulni čempijanatu Jeŭropy buduć iści ŭ 10 niamieckich haradach z 14 červienia da 14 lipienia. Pamiežnyja pravierki praciahnucca da 19 lipienia.

Pa słovach kiraŭnika MUS Hiermanii Nensi Fiezier, sens pravierak u tym, kab nie dać patencyjnym złamyśnikam prabracca ŭ krainu.

«Naša ŭvaha budzie zasiarodžana na śpiektry ad pahrozy isłamisckaha teraryzmu da chulihanstva i kampjutarnych napadaŭ», — skazała jana. — Fiederalnaja palicyja budzie baranić miežy, aeraporty i čyhunku».

Hiermanija ŭvachodzić u skład Šenhienskaj zony, jak i amal usie krainy-susiedzi (za vyklučeńniem Šviejcaryi). A tamu kantrol na miežach krainy bolšuju častku času adsutničaje.

Adnak Šenhienskaje pahadnieńnie daje krainam-udzielnicam prava ŭvodzić časovyja pamiežnyja pravierki na nacyjanalnym uzroŭni, kali ŭ takich uźniknie nieabchodnaść.

Uviadzieńnie pamiežnaha kantrolu — sprečnaja miera: mnohija miarkujuć, što navat vybarčyja pravierki padryvajuć samu ideju svabodnaha handlu i biaźvizavaha pieramiaščeńnia ŭ ES. Adnak na čas čempijanatu niamieckija ŭłady vyrašylinie ryzykavać i skarystalisia pradastaŭlenym im pravam.

Raniej Hiermanija ŭžo ŭvodziła časovyja pravierki ŭ jakaści miery pa supraćdziejańni kantrabandzie i nielehalnym mihrantam.

Na hety raz palicyjanty atrymajuć prava pravodzić pravierki na ŭsich miežach krainy i va ŭsich vidach transpartu.

Pakolki praz hety čas padarožža moža zaciahnucca, ułady zaklikajuć usich, chto najbližejšym časam maje namier pierasiakać niamieckuju miažu, uličvać pravierki pry płanavańni pajezdki.

Dla praviadzieńnia patruloŭ na vakzałach i ŭ ciahnikach na dapamohu niamieckim palicyjantam pryjduć kala 580 kalehaŭ z-za miažy.

U Ministerstvie ŭnutranych spraŭ žurnalistaŭ zapeŭnili, što pravierki dakumientaŭ buduć «hnutkimi i časovymi».

Kamientary2

  • Acab
    08.06.2024
    Iznoŭ źviarnu ŭvahu - sport heta palityka, metad adciahnieńnia čałaviečaje ŭvahi, kab zacisnuć macniej na jakonych rukach kajdanki
  • Vadzim
    08.06.2024
    Acab, zaciahnuć kajdany - heta nie palityka. Dzie i kolki škoł pabudavać - heta palityka. A toje pra što vy - bandytyzm
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii26

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

Usie naviny →
Usie naviny

«Ja straciła sens žyćcia». Śpiavačcy Rycie Dakota zabaranili vystupać u Rasii30

U Budsłavie archieołahi adkapali staražytny padmurak kaścioła

Były biełaruski vajar sutki katavaŭ svajho siabra, a paśla zabiŭ siabie40

Sioleta klaščy kusajuć biełarusaŭ amal na 11% čaściej, čym letaś

Stolki prablem, a tut Stryžak ź jaho padletkavymi hulniami40

Katar pryhraziŭ Jeŭropie skaračeńniem pastavak hazu3

Kolkaść paćvierdžanych rasijskich vajennych strat pieravysiła 120 tysiač čałaviek12

U centry Bresta pastavili hihancki pomnik huziku9

Prajekt Belaruskicry pryznany ekstremisckim farmavańniem4

bolš čytanych navin
bolš łajkanych navin

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii26

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

Hałoŭnaje
Usie naviny →

Zaŭvaha:

 

 

 

 

Zakryć Paviedamić