Češskaja palicyja ŭ noč na niadzielu nieadkładna ŭzmacniła miery biaśpieki ŭ hramadskich miescach, handlovych centrach, hramadskim transparcie i na vakzałach. Palicyja pracuje ź infarmacyjaj, što moža być ździejśnieny terakt. U paniadziełak adbudziecca pasiadžeńnie Rady dziaržbiaśpieki.
Pavodle infarmacyi iDNES.cz, pahroza datyčycca ataki na infrastrukturu, i ŭsie palicyjanty pierajšli ŭ režym «teror» na ŭsie 24 hadziny słužby da dalejšaha paviedamleńnia. Im zahadana sačyć za lubymi padazronymi asobami, jakija buduć pieramiaščacca, asabliva vakoł aŭtobusnych i čyhunačnych vakzałaŭ.
Ministr unutranych spraŭ Vit Rakušan paćvierdziŭ infarmacyju iDNES.cz, zajaviŭšy, što na dadzieny momant u sił biaśpieki niama pramoj infarmacyi ab kankretnaj pahrozie.
Pavodle źviestak iDnes.cz, kiraŭnictva piša palicyjantam, što ŭ asnoŭnym treba zasiarodzicca na handlovych centrach, parkach hramadskaha transpartu, jak aŭtobusnych, tak i tramvajnych, aŭtavakzałach i čyhunačnych vakzałach.
Pa słovach krynic, palicyja pavinna źviarnuć uvahu na ludziej i «na ŭsie niezvyčajnyja zjavy» ŭ bolš šyrokim kantekście», — skazała krynica ŭ kiraŭnictvie palicyi.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary