Kultura11

U Połacku imkliva razburajucca ruiny kaścioła. Abvaliłasia jašče častka mura

Nijakich zachadaŭ pa kansiervacyi i adnaŭleńni pomnika baroka miascovymi ŭładami nie pradprymajecca.

Paraŭnańnie starych i aktualnych fotazdymkaŭ — nie stała apošniaha kavałka ałtarnaj pieraharodki i ŭsioj ściany apsidy. Fota: fejsbuk-supołka «Połack: minułaje i sučasnaść»

Čarhovaje razbureńnie pomnika zaŭvažyli miascovyja krajaznaŭcy z supołki «Połack: minułaje i sučasnaść».

Muravany klaštar i kaścioł Najśviaciejšaj Dzievy Maryi na paŭdniovym bierazie Dźviny pabudavany połackimi biernardzincami ŭ 1758 hodzie. Baročny kompleks źjaviŭsia na miescy raniejšaha draŭlanaha. Na terytoryi klaštara było mnostva haspadarčych pabudoŭ, u tym liku piakarnia (zachavałasia), brovar, ladoŭnia, kuźnia, stajnia, łaźnia. Byŭ raźbity pładovy sad z aharodam.

Abmierny čarciož kompleksu 1838 hoda. Fota: Wikimedia Commons
Płan kompleksu 1838 hoda. Siońnia ad chramu zachavaŭsia nievialiki frahmient — ruiny čatyroch ścien apsidy. Fota: Wikimedia Commons

Paśla zdušeńnia paŭstańnia 1830-1831 hadoŭ rasijskija ŭłady začynili ŭ 1832 hodzie klaštar, a kaścioł pierarabili na pravasłaŭnuju carkvu Iaana Bahasłova.

Paškodžanaja carkva ŭ 1920-ja hady. Fota: Wikimedia Commons

U čas saviecka-polskaj vajny ŭ 1919 hodzie palaki zaniali levy bierah Dźviny. U bajach z Čyrvonaj Armijaj, jakaja zajmała asnoŭnuju častku horada na pravym bierazie, chram značna paciarpieŭ, što bačna na zdymkach 1920-ch hadoŭ.

Kamunisty začynili carkvu. Kompleks znoŭ paciarpieŭ u čas Druhoj suśvietnaj vajny. Žyły korpus byŭ u 1950-ja hady prystasavany pad miedycynskuju ŭstanovu, a ruiny kaścioła častkova źniščyli. 

Kompleks u panaramie levaha bieraha Dźviny. Fota: Wikimedia Commons

Da našaha času ad byłoha kaścioła zastałasia tolki ałtarnaja častka. Niahledziačy na toje, što kompleks ličycca historyka-kulturnaj kaštoŭnaściu respublikanskaha značeńnia, za apošnija hady nie pradpryniata nijakich zachadaŭ pa jahonaj kansiervacyi i adnaŭleńni.

Vyhlad apsidy ŭ 2006 hodzie. Źleva jašče vidać frahmient ałtarnaj pieraharodki. Nižnija častki papružnaj arki jašče nie abvalilisia. Fota: fejsbuk-supołka «Połack: minułaje i sučasnaść»
Siońniašni ahulny vyhlad z poŭnačy. U ruinach užo ciažka paznać kolišni kaścioł. Fota: fejsbuk-supołka «Połack: minułaje i sučasnaść»

Krajaznaŭcy, paraŭnoŭvajučy zdymki, vyśvietlili, što za apošnija hady nie stała značnaj častki mura: abvaliłasia ŭsia ŭschodniaja ściana apsidy, apošni frahmient ałtarnaj pieraharodki, častka papružnaj arki. Ciapier abvaliŭsia i pryścienak, jaki hetuju arku padtrymlivaŭ.

Vyhlad ruinaŭ z zachadu ŭ 2006 i 2012 hadach. Ściany z prajomam siońnia nie isnuje. Fota: fejsbuk-supołka «Połack: minułaje i sučasnaść»

Jak adznačajuć krajaznaŭcy, pryścienak moža być i savieckaha času, ale jaho padzieńnie śviedčyć pra toje, što razburyŭsia aŭtentyčny mur, na jakim jon stajaŭ.

Fotaparaŭnańnie stanu ŭ 2020 i 2024 hadach. Pomnik imkliva razburajecca i dalej. Fota: fejsbuk-supołka «Połack: minułaje i sučasnaść»

Siońnia ŭ Połacku aktyŭna viaducca raboty pa pryviadzieńni da paradku histaryčnaha centra. Padrychtoŭku da Foruma rehijonaŭ Biełarusi i Rasii, jaki 27-28 červienia projdzie ŭ Viciebsku, Połacku i Navapołacku, kantraluje asabista Natalla Kačanava, miascovaja ŭradženka. Ale zaniadbany kompleks klaštara, jaki dobra bačny ź inšaha bieraha, budaŭničyja pracy nie zakranajuć.

Paŭdniovaja ściana apsidy — apošniaja adnosna zachavanaja ściana pomnika baroka. Fota: fejsbuk-supołka «Połack: minułaje i sučasnaść»

«Naša Niva» — bastyjon biełaruščyny

PADTRYMAĆ

Kamientary1

  • Vład
    10.06.2024
    Tam takoj jarostnyj katolik był, Aleś Arkuš. Kuda diełsia? Vot by jemu zaniaťsia etim kostiołom.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Usie naviny →
Usie naviny

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj27

Jak za hod źmianilisia ceny na nieruchomaść u bujnych haradach. Stalica nie ŭ lidarach rostu

Miełoni i Makron pasvarylisia nakont Ukrainy. Mierc starajecca ich pamiryć5

Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu3

Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ5

U Džo Bajdena znajšli rak u ahresiŭnaj formie3

U Polščy ŭ druhi tur vychodziać mer Varšavy Tšaskoŭski i historyk Naŭrocki 32

Ekzit-poły ŭ Rumynii: Centryst Dan pieramahaje na vybarach sa značnym adryvam15

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie12

bolš čytanych navin
bolš łajkanych navin

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Hałoŭnaje
Usie naviny →

Zaŭvaha:

 

 

 

 

Zakryć Paviedamić