Syn prezidenta Sierbii chacieŭ pabicca z anhlijskimi fanatami — na Jeŭra jon pryjechaŭ ź pieraapranutym śpiecnazam VIDEA
Bajcy śpiecpadraździaleńnia ŭtrymali Daniła Vučyča ad bojki.

Pierad matčam Jeŭra pamiž zbornymi Sierbii i Anhlii ŭ Hielzienkirchienie fanaty ŭčynili masavuju bojku. U joj chacieŭ paŭdzielničać syn prezidenta Sierbii Alaksandra Vučyča Daniła, jaki pryjechaŭ u Niamieččynu padtrymać svaju kamandu.
Bojka adbyłasia za niekalki hadzin da matča kala paba, dzie adpačyvali fanaty zbornaj Sierbii. Ultras učynili sapraŭdnaje paboišča: jany kidali kresły, stały i butelki.
Ułady horada nakiravali na miesca 200 supracoŭnikaŭ AMAP, i anhlijskija fanaty adstupili. Viadoma ab niekalkich paranienych, u tym liku adnym palicejskim.
Siłaviki paviedamlali, što zatrymali sama mieniej siem sierbskich fanataŭ. Anhielskim ultras, jakija ŭdzielničali ŭ paboiščy, pahražaje zabarona na naviedvańnie stadyjonaŭ.
Pavodle niekatorych źviestak, na sierbaŭ pieršapačatkova napała hrupa ałbanskich balelščykaŭ, jakaja paśla ŭciakła. Ich padtrymali anhielcy. Usie abstaviny jašče treba vyśvietlić.
LMAO: The son of the Serbian president Danilo Vucic tried to get into the fight with the English Hooligans!
— Lord Bebo (@MyLordBebo) June 17, 2024
He was wrestling with his security, but they didn't let him go.
Now that would be a sight, the president's son fighting for the football team's honor. pic.twitter.com/LYvitxEuoL
Jak stała viadoma Gol.hr, u bojcy pasprabavaŭ paŭdzielničać starejšy syn sierbskaha prezidenta Daniła Vučyč, jaki adpačyvaŭ u kampanii inšych fanataŭ u bary. Adnak jaho spyniła asabistaja achova, ź jakoj jon pryjechaŭ na Jeŭra.
Pa danych ŚMI, syna Alaksandra Vučyča achoŭvajuć bajcy sierbskaha elitnaha śpiecnaza «Kobry», pieraapranutyja ŭ cyvilnaje. U hrupu ŭvachodziać 20 śpiecnazaŭcaŭ.
Sam matč prajšoŭ mirna, zbornaja Anhlii atrymała minimalnuju pieramohu nad sierbami — 1:0.
Vyhladaje, što ŭ Biełarusi nie pakažuć matč Ukraina — Rumynija
Šatłandyja adyhrałasia za parazu na Jeŭra-2024 u «piŭnym dvuboi» z Hiermanijaj — VIDEA
Pieršy hoł na Jeŭra zabiŭ samy pierśpiektyŭny niemiec — Fłaryjan Virc. «Reał» padumvaje kupić jaho za 150 miljonaŭ jeŭra
UEFA paćvierdziŭ, što Jeŭra-2024 budzie aficyjna tranślavacca ŭ Biełarusi
Kamientary
A skolko čiełoviek ochraniajet Nikołaja Łukašienko, v škole, v univiersitietie i prosto v pojezdkach?