Kab uratavacca ad miadźviedzia, biełarusu pryjšłosia prasiadzieć na drevie try z pałovaj hadziny
U tyktoku zavirusiŭsia rolik, jak mužčyna pad Smarhońniu ratujecca ad miadźviedzia. Aŭtar videarolika raspavioŭ, čym skončyłasia historyja i chto jaho vyratavaŭ u toj dzień, piša Telegraf.news.
U červieni karystalnikaŭ tyktoku pierapałochała videa, na jakim hrybnik ratavaŭsia ad miadźviedzia pad Smarhońniu. U rajonie vioski Staraja Rudnia małady čałaviek u strachu zalez na dreva i nie na žart bajaŭsia za svajo žyćcio.
Adny karystalniki paličyli videarolik pastanoŭkaj, bo samoha miadźviedzia nie było vidać. Inšyja nie na žart zaniepakoilisia za žyćcio biełarusa, jaki paśla publikacyi videa nie adkazvaŭ na kamientary i nie publikavaŭ novych rolikaŭ. Praź niejki čas hrybnik, narešcie, abjaviŭsia i raspavioŭ, jak dalej raźvivalisia padziei ŭ toj dzień.
«Vyžyŭ ja, usio narmalna. Pryjechali i vyratavali mianie. Paśpieŭ dziadźku skinuć hieałakacyju, zastavałasia 4 adsotki zaradki na batarei», — raspavioŭ biełarus.
Pavodle jaho słoŭ, u čakańni vyratavańnia na drevie pryjšłosia pravieści kala troch z pałovaj hadzin. Paśla čaho jaho pryjechali ratavać «ź viłami» baćka, dziadźka i jašče niekalki pryjacielaŭ. Jany i dapamahli hrybniku źleźci z dreva. Viartaŭsia dadomu aŭtar videa basanož, bo kidaŭ u miadźviedzia svoj abutak.
Ciapier biełarus pravodzić šmat času na svaim leciščy, jakoje akružaje les. Pa jaho pryznańni, u hryby ŭ adzinočku jon ciapier nie chodzić. A šum i huki vakoł ciapier «trošački vyklikajuć strach».
Karystalniki sacsietki ŭrazilisia pryhodaj hrybnika i vykazali mnostva bojazi na košt pavieličeńnia prysutnaści miadźviedziaŭ u roznych rehijonach Biełarusi.
«Miadźviedziaŭ u lasach poŭna. U Viciebskaj vobłaści asabliva šmat. U les iści strašna», — napisaŭ adzin z karystalnikaŭ.
«Ščaście, što miadźviedź lanivy byŭ. Nie palez na dreva, a moža niadaŭna manikiur rabiŭ», — paradavaŭsia za aŭtara i pažartavaŭ chtości.
«Źbirałasia ŭ vychodnyja ŭ čarnicy z susiedkaj … ale nie. Nie chaču ŭžo čarnicaŭ», — vykazałasia jašče adna karystalnica, na što aŭtar videa adkazaŭ:
«Nu jany ž nie paŭsiul. Zusim maleńkaja vierahodnaść, što vy mišku sustreniecie. Idzicie śmieła, ale pačytajcie jak pavodzić siabie pry sustrečy ź miadźviedziem na ŭsialaki vypadak».
Ciapier čytajuć
Delehatka KR Karpušonak paśla maŭčańnia apublikavała videa19
Delehatka KR Karpušonak paśla maŭčańnia apublikavała videa
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia78
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1515
Kamientary