«Miadźviedź asabista źbiraŭ?» U Biełarusi znajšli malinu pa šalonaj canie
Ludzi abmiarkoŭvajuć, ci narmalna heta.
Na «załatuju» pa canie malinu źviarnuła ŭvahu błohier u tyktoku. Dzie mienavita pradajecca malina pa 79,99 rubla za kiłahram, nie paviedamlajecca. Ale aŭtar videa miarkuje, što hetyja jahady «sam miadźviedź irvaŭ i dastaŭlaŭ».
Videa zavirusiłasia — u jaho za dva dni amal 700 tysiač prahladaŭ i bolš za tysiaču kamientaroŭ. Karystalniki vyłučajuć raznastajnyja teoryi z nahody takoha cenaŭtvareńnia:
«Dumaju, pieravozili malinu ź lesu da hetaj kramy na samalocie typu «Rusłan», i śpiecyjalna dla hetaha ŭźlotnyja pałosy pabudavali. I ŭsie vydatki ŭklučyli ŭ košt».
«Ja až papiarchnułasia. Realna, adkul cana, jany kala aeraporta źbirali i na taksi jandeks vieźli pry pavyšanych kaeficyjentach?»
«Jana była vyraščana na Miesiacy i miesiacovy miadźviedź ź luboŭju źbiraŭ jaje».
Papularny kamientar: «Taki košt, kab žyćcio malinaj nie zdavałasia». Inšyja radujucca, što malina raście ŭ ich na leciščy biaspłatna. Niekatoryja dzielacca cenami na durnicy, jakija taksama ŭražvajuć — kažuć, hetuju jahadu možna znajści i pa 100 rubloŭ za kiło.
Praŭda, jość i inšaje mierkavańnie. Tak, adzin z kamientataraŭ adznačaje, što malina sama pa sabie važyć niašmat, tamu kiłahram — heta vielmi šmat jahad. Zrešty, heta mierkavańnie vidavočna ŭ mienšaści.
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary