Režysiora Rusłana Zholiča adpravili na prymusovaje lačeńnie za abrazu Łukašenki
57-hadovaha režysiora pryznali palitviaźniem.
Imia 57-hadovaha režysiora Rusłana Zholiča źjaviłasia ŭ abnoŭlenym śpisie palitviaźniaŭ, apublikavanym «Viasnoj». Jak vyjaviłasia, jaho asudzili pa dvuch palityčnych artykułach. Zholiču inkryminavali abrazu Łukašenki, a taksama abrazu pradstaŭnika ŭłady.
Tym nie mienš jaho adpravili nie ŭ kałoniju, a na prymusovaje lačeńnie.
Heta nie pieršy kryminalny pieraśled u bijahrafii Zholiča. U 2000-ja ŭ jaho byŭ kanflikt z kiraŭnictvam «Biełaruśfilma». Zholiča adchilili ad pracy ź filmam «Hości», kab daźniać stužku ź inšym režysioram. Tady jon skraŭ pracoŭny materyjał z namieram samomu darabić film. Za heta suprać jaho zaviali kryminalnuju spravu za kradziež u asabliva bujnym pamiery.
Zholič adsiedzieŭ hod u SIZA i pa rašeńni suda byŭ nakiravany ŭ Respublikanski navukova-praktyčny centr psichičnaha zdaroŭja. Paśla lačeńnia jon vyjšaŭ na svabodu.
Kamientary