«Byli bolš-mienš narmalnyja ŭmovy». Ukrainski ambudsmien raskazaŭ pra staŭleńnie da źniavolenych ukraincaŭ u biełaruskich turmach
Upaŭnavažany Viarchoŭnaj Rady pa pravach čałavieka Dźmitryj Łubiniec na pres-kanfierencyi zakranuŭ pytańnie apošniaha abmienu pałonnymi pamiž Ukrainaj i Rasijaj, padčas jakoha ŭ tym liku byli vyzvalenyja piać čałaviek, jakija ŭtrymlivalisia ŭ biełaruskich turmach, piša «Ukrinform».
Zhadvajučy, što padčas apošniaha abmienu cyvilnych asob upieršyniu ŭdałosia viarnuć va Ukrainu z terytoryi Biełarusi 5 ukraincaŭ, Łubiniec skazaŭ,
što ŭ jaho narešcie źjaviŭsia «choć by niejki kanał kamunikacyi» ź biełaruskim bokam, praŭda, nie raskryvajučy nijakich detalaŭ.
Taksama ambudsmien adznačyŭ roźnicu ŭ dačynieńni da ŭkrainskich pałonnych z boku ŭładaŭ Biełarusi i Rasii. U paraŭnańni z tym, što robicca ŭ Rasii, u łukašenkaŭskich turmach ukrainskim hramadzianam nibyta było kudy lepš.
«My ŭbačyli adroźnieńnie ŭ dačynieńni da hramadzian Ukrainy. Voś navat pa detalach. My viarnuli i tam, i tam cyvilnych. I tam, i tam my razmaŭlali. My ŭbačyli navat fizičny stan.
Heta značyć, hramadzianie Ukrainy z terytoryi Biełarusi nie kazali pra ŭžyvańnie niejkich katavańniaŭ, źbićcio… Tak, my ličym, jurydyčna traktujem, što ich niezakonna asudzili, ale katavańniaŭ nie było. Byli bolš-mienš narmalnyja ŭmovy ŭtrymańnia, było narmalnaje charčavańnie, heta navat pa vonkavym vyhladzie było vidać», — adznačyŭ Dźmitryj Łubiniec.
«Vieźli ź miaškami na hałavie, usio było jak u błakbastary». Historyja ŭkrainki, jakuju pa abmienie vyzvalili ź biełaruskaj turmy
Stali viadomyja abstaviny vyzvaleńnia ź biełaruskich turmaŭ hramadzian Ukrainy
Jak vyzvalenych z pałonu ŭ Biełarusi i Rasii sustrakali ŭ kijeŭskim aeraporcie VIDEA
Što viadoma pra źniavolenych u Biełarusi hramadzian Ukrainy, jakija niečakana zdabyli volu?
Ukraina viarnuła piać svaich palitviaźniaŭ ź Biełarusi. I navat Mikołu Švieca, dyviersanta z Mačuliščaŭ
Ciapier čytajuć
Andrej Švied, architektar represij, pryznačany staršynioj Viarchoŭnaha suda22
Kamientary