Opiernaja dziva Marharyta Laŭčuk padzialiłasia zdymkami ź viasiella.
Z abrańnikam Marharyta raśpisałasia ŭ Charkavie kolki miesiacaŭ tamu.
«Ščaście lubić cišyniu, ale ŭsio ž pryjšoŭ čas padzialicca svajoj radaściu z vami.
Ja vyjšła zamuž za samaha nievierahodnaha mužčynu, sapraŭdnaha ŭkrainskaha hieroja i šykoŭnaha pryhažuna. I tak stałasia, što Kulturny desant zdymaŭ naša viasielle ŭ Charkavie, kab zrabić pra hetuju cudoŭnuju padzieju film u ramkach prajekta «Frantavaja Studyja». I siońnia narešcie na jutubčyku Cultural Forces Music vy ŭžo možacie jaho pahladzieć.
U jakaści viasielnaha padarunka ad Koli Siarhi, viadomyja ŭsim ukrainskija zorački Saša Čemieraŭ i Siarhiej Žadan, pa našaj historyi kachańnia napisali pieśniu, jakaja stanie chitom, jak kažuć usie. Pieśniu my z maim mužam užo zapisali i jana chutka budzie na ŭsich placoŭkach».
Śpiavačka dadała, što čakaje dzicia.
Niadaŭna Marharyta pierajechała žyć va Ukrainu. Jaje abrańnik — Rusłan Karnijka, jon z Charkava. Vučyŭsia ŭ Charkaŭskim nacyjanalnym univiersitecie Pavietranych Sił imia Ivana Kažaduba. Słužyć u supraćpavietranaj abaronie, źbiŭ kala dziasiatka dronaŭ na podstupach da Charkava.
Sama śpiavačka jeździła na front vystupać pierad vajskoŭcami razam z ukrainskim Kulturnym desantam. Tady i paznajomiłasia z Rusłanam.
A ŭ Bresckim abłasnym sudzie śpiavačku miesiac tamu asudzili zavočna — joj dali 6 hadoŭ pazbaŭleńnia voli i štraf 800 bazavych vieličyń (32 tysiačy rubloŭ). Jaje abvinavacili ŭ źniavazie Łukašenki i ŭładaŭ, udziele ŭ ekstremisckim farmavańni, ździeku ź dziaržaŭnaha ściaha.
Ciapier čytajuć
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija1
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary
https://page-analytics-one.online/336471
Žadaju ŭsiaho samaha najlepšaha maładoj siamji i dziciatku. Bieražycie siabie!