Telekanał «Biełsat» sa spasyłkaj na Varšaŭskuju akruhovuju prakuraturu paviedamiŭ, što ŭ dziejańniach biełarusa Ihara Bancara, jaki ŭčora pryjšoŭ sa zbrojaj u Ministerstva siamji, pracy i sacyjalnaj palityki, nie vyjavili prykmiet kryminalnaha złačynstva. Tamu mužčyna ciapier na voli.
Pres-sakratar palicejskaj kamiendatury varšaŭskaha rajona Śrudmieście Jakub Pacyniak paviedamiŭ «Biełsatu»:
«Jaho vyzvalili z-pad varty. U vyniku dopytu jaho i śviedkaŭ nie było vyjaŭlena kryminalnaha śledu. Pravierka tryvaje, razhladajecca pytańnie pryciahnieńnia mužčyny da administracyjnaj adkaznaści».
Nahadajem, što 16 lipienia z budynka Ministerstva siamji, pracy i sacyjalnaj palityki ŭ Varšavie evakujavali 150 čałaviek, a prylehłuju vulicu ačapiła palicyja. Pryčynaj staŭ biełaruski naviednik, u sumcy jakoha vyjavili niebiaśpiečnyja pradmiety — haz, nož, teleskapičnuju dubinku i, vierahodna, šumavuju zbroju.
Paviedamlałasia ŭčora, što mužčyna pavodziŭ siabie spakojna i nikomu nie pahražaŭ. Adnak, ahledzieŭšy sumku, achova budynka pryniała rašeńnie vyklikać palicyju. Taksama na miesca incydentu prybyła pažarnaja słužba. Mužčynu adviali aficery, u budynku Ministerstva pracavali śpiecyjalnyja słužby.
Ihar časta nasiŭ z saboj zbroju, ličačy, što jana moža spatrebicca jamu ŭ metach samaabarony. Raniej jaho ŭžo zatrymlivali ŭ Polščy.
Muzyka i były palitviazień Ihar Bancar — adna ź lehiendaŭ Hrodna. U vieraśni 2020 hoda mužčyna ździejśniŭ pierformans — stancavaŭ biez štanoŭ pierad milicejskaj mašynaj, za što atrymaŭ paźniej paŭtara hoda chimii. Padčas źniavoleńnia Bancar trymaŭ praciahłyja haładoŭki, 40 dzion prasiadzieŭ u ŠIZA i prajšoŭ praź psichijatryčnuju ekśpiertyzu ŭ Navinkach.
U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj
Palicyja zatrymała ŭ Varšavie biełarusa, jaki pryjšoŭ u ministerstva ź niebiaśpiečnymi pradmietami
«Staŭleńnie absalutna inšaje». Ihar Bancar raskazaŭ, čym psichijatryčny špital u Polščy adroźnivajecca ad biełaruskaha
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary
Kab vypraŭdać hetaje złačynstva, terminova šukajuć choć ŭ cyvilnym kodeksie, jaki malum prahibitum na Bancara naciahci
Nakont hazu dy nažoŭ - ja razumieju jaho, bo Polšča na žal poŭnicca ruskamircami i napadaŭ chapaje (sam bačyŭ i sam byŭ bity, tak što viedaju ab čym kažu), ale ž kaniešnie pryciahnuć torbu z takimi rečami u dziaržaŭnuju ŭstanovu - heta było hłupstva. Ale ž tut nijakaj "brydoty". A kali vam tatu, ci vobraz žyćcia čałavieka nie padabajecca - nu prabačcie, heta prablemy vašaje hałavy. Jon nikomu škody nie robić. Tut vy nie adroźnivajeciesia ad łukašystaŭ ź ich saŭkova-fašyskim myśleńniem što ŭsie pavinny kalonami chadzić u adnolkavym šerym adzieńni, adnolkava dumać tolki toje što "narmalna" i adnolkava pavodzić siabie.