Hramadstva1010

Alaksandr Łukašenka pamiłavaŭ Ryka Kryhiera

Raniej Minski abłasny sud pryznaŭ jaho vinavatym pavodle šaści artykułaŭ Kryminalnaha kodeksa i prysudziŭ da śmiarotnaha pakarańnia.

Pra toje, što Kryhier napisaŭ prašeńnie ab pamiłavańni, prapahandysty paviedamili tolki siońnia. Intryha, ci zrobić heta Łukašenka, pratrymałasia tolki niekalki hadzin.

Pierad hetym, jak paviedamlała siońnia BiełTA, Łukašenka «zaprasiŭ ludziej, pahružanych u praces, pačuć padrabiaznaści, mierkavańni, «paraicca». 

Pry hetym jon tak prakamientavaŭ situacyju:

«Najhoršaje pytańnie ŭ losie i žyćci prezidenta, jakoje atrymała vielmi surjoznaje hučańnie. Ryka Kryhier — hramadzianin Hiermanii. Akazvajecca, tolki ŭ 1993 hodzie naradziŭsia. Sudom pryhavorany ŭ Biełarusi da vyklučnaj miery pakarańnia. Pavodle našaj Kanstytucyi i zakonaŭ, apošniaje słova zaŭsiody za prezidentam. Źviartajecca, nie źviartajecca (za pamiłavańniem)… Ja ŭžo niejak havaryŭ, što samaje ciažkaje ŭ losie kiraŭnika krainy — heta takija spravy, źviazanyja z vyklučnaj mieraj pakarańnia. Moža, i paraicca. Ale pačuć vašaje mierkavańnie», — skazaŭ jon.

Rašeńnie było pryniata vielmi chutka, ciaham niekalkich hadzin. Prytym nie paviedamlajecca, na što Łukašenka zamianiŭ śmiarotnaje pakarańnie. Uvohule, pavodle zakanadaŭstva, jano musić mianiacca na pažyćciovaje źniavoleńnie.

Sudździa Minskaha abłasnoha suda Aleh Łapieka vynies Kryhieru śmiarotny prysud 24 červienia, ale viadoma pra heta stała tolki 19 lipienia. Hramadzianina Hiermanii pryznali vinavatym pavodle č. 4 art. 295 (niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ), č. 4 art. 309 (naŭmysnaje pryviadzieńnie ŭ nieprydatnaść transpartnaha srodku abo šlachoŭ znosin), č. 3 art. 3611 (stvareńnie ekstremisckaha farmavańnia albo ŭdzieł u im), č. 3 art. 289 (akt teraryzmu), art. 3581 (ahienturnaja dziejnaść) i art. 133 (najmictva) Kryminalnaha kodeksa Biełarusi.

Kryhieru zakidali ažyćciaŭleńnie vybuchu na čyhunačnaj stancyi Aziaryšča pad Minskam 6 kastryčnika 2023 hoda. U vyniku hetaha vybuchu nie było nivodnaha paciarpiełaha, a naniesienyja materyjalnyja straty niaznačnyja.

Kamientary10

  • Andruś
    30.07.2024
    Sam pryhavaryŭ niemca da śmierci , sam pamiłavaŭ .
    Niamieččyna pahadziłasia adpuść terarysta Krasikava?
  • Kałhasny kłoŭn
    30.07.2024
    Chto ty taki, kab brać ludziej u zakładniki, pryhavorvać da śmierci i "miłavać"? Chto ty, čort ciabie pabiary, taki?
  • Kazimir
    30.07.2024
    Čarhovaja častka sieryjała "sam niejki kataklizm sabie prydumaŭ - sam i razruliŭ". Kali ŭ bližejšyja paru tydniaŭ abmiena nie adbudziecca - značyć niemcy nia tolki admovilisia mianiać sapraŭdnaha killera Krasikava na vidavočna fiktyŭnaha terarysta Kryhiera, ale i pahrazili Łukašenku čymści vielmi dla jaho balučym. Naprykład, mocna paspryjać dać chod orderu ŭ MKS, dadaŭšy da jaho novyja abvinavačvańni kštałtu zachopu zakładnikaŭ. A dla jaho heta ŭžo zusim nia toje, što order na Pucina. Da i na Vałdai Pucin padajecca nia daŭ čakanaha za saŭdzieł u apieracyi z zakładnikami.

Ciapier čytajuć

U Madrydzie rasstralali byłoha daradcu Janukoviča

U Madrydzie rasstralali byłoha daradcu Janukoviča

Usie naviny →
Usie naviny

Łukašenku prapanavali zdabyvać redkaziamielnyja elemienty z pramysłovych adkidaŭ6

U biełaruskich kramach źjaviŭsia pradukt «Dubaj». Padobny da maroziva, ale nie zusim jano11

Jeŭrasajuz pryniaŭ 17-y pakiet sankcyi suprać Rasii. U śpisie i Minski zavod kołavych ciahačoŭ9

Minski restaran ź bieźlimitnaj ježaj adkryŭsia paśla pierapynku5

«My hanarymsia synam». Blizkija zahinułaha dobraachvotnika Alaksieja Aŭdzieja raskazvajuć pra jaho9

«Skazali, što ludzi ź vizami typu C nie zmohuć pierasiačy miažu». Na litoŭskich prapusknych punktach zdaryŭsia kałaps8

Łukašenka: Minski rajon — heta prybiralnia horada-hieroja Minska5

«Rodnieńki!» Redki čorny busieł usio ž taki viarnuŭsia na Kleččynu — spaźniŭsia na miesiac1

Piatruchin nie zdajecca: choča, kab KR zasłuchała 17-hadovaha «startapiera». Ale bieź jaho baćkoŭ hetaha rabić nielha18

bolš čytanych navin
bolš łajkanych navin

U Madrydzie rasstralali byłoha daradcu Janukoviča

U Madrydzie rasstralali byłoha daradcu Janukoviča

Hałoŭnaje
Usie naviny →

Zaŭvaha:

 

 

 

 

Zakryć Paviedamić