«Ja zabyŭsia pra svoj pistalet». Ihara Bancara dapytali pa spravie sa zbrojaj
Były palitźniavoleny muzykant Ihar Bancar prajšoŭ dopyt pa spravie jaho zatrymańnia sa zbrojaj u Ministerstvie siamji, pracy i sacyjalnaj palityki ŭ Varšavie. Jon nie pahadziŭsia z vystaŭlenymi artykułami i budzie čakać vykliku ŭ sud, piša Hrodna.life.
Ihar Bancer u Varšavie. Fota: Alaksandr Vałodzin
«U palicyi, u adździele pa spravach administracyjnych pravaparušeńniaŭ mianie dapytvaŭ palicejski nakont taho, ci ździejśniŭ ja administracyjnaje pravaparušeńnie pa čatyroch artykułach KaAP (bo tak prakuratura mnie panapisvała)», — raskazaŭ Ihar Hrodna.life.
U prysutnaści advakata jon daŭ tłumačeńni.
«Ja nie pahadziŭsia z anivodnym artykułam, pa jakim mianie abvinavačvaje prakuratura, bo ja nie prychodziŭ śpiecyjalna sa srodkami samaabarony (lehalnymi) da ich, kab pieraškodzić u pracy Ministerstva. Ja pavodziŭ siabie adekvatna i nie ździajśniaŭ nijakich ahresiŭnych dziejańniaŭ. Ja paviedamiŭ achovie pra najaŭnaść u mianie srodkaŭ samaabarony.
Adzinaje, što ja zabyŭsia (bo było 34 hradusy na vulicy, a ŭ mianie hałava była zaniataja maimi prablemami) pra svoj startavy pistalet, jaki pavodle Zakonu ab ahniastrelnaj zbroi — nie źjaŭlajecca zbrojaj».
Advakat Bancara skłaŭ chadajnictva ab zabieśpiačeńni manitorynhu, na jakim budzie bačna, što adbyvałasia ŭ ministerstvie, i jaki b paćviardžaŭ jaho viersiju. Iharu skazali čakać vykliku ŭ sud. Administracyjnyja pravaparušeńni mohuć być razhledžanyja ciaham hoda ad momantu ździajśnieńnia.
Pavodle infarmacyi Bancara, spravu mohuć zakryć, kali nie znojduć składu administracyjnaha pravaparušeńnia. Abo buduć zaciahvać praces.
16 lipienia ŭ budynku Ministerstva siamji, pracy i sacyjalnaj palityki ŭ Varšavie evakujavali 150 čałaviek. Pryčyna — biełarus, u sumcy jakoha znajšli nož, haz, teleskapičnuju dubinku i zbroju. Hetym biełarusam byŭ Ihar Bancer. Achova budynka vyklikała palicyju, na miesca taksama prybyła pažarnaja słužba.
Muzyka Ihar Bancar užo kala hoda bamžuje ŭ Varšavie FOTY
«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie
Muzyku Ihara Bancara vyzvalili z-pad varty
U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali12
Kamientary