Polšča nie źbirajecca zabaraniać ujezd mašyn ź biełaruskimi numarami
Polski ŭrad nie choča, kab sankcyi bili pa prostych biełarusach.
Namieśnik kiraŭnika MZS Polščy Andžej Šejna raspavioŭ, što ŭrad nie źbirajecca zabaraniać ujezd mašyn ź biełaruskimi numarami.
U efiry PolskieRadio24 jon rastłumačyŭ, što Polšča imkniecca prymianiać tyja sankcyi, jakija nie buduć bić pa prostych biełarusach.
«My nie budziem zabaraniać ujezd asabistych aŭtamabilaŭ biełarusaŭ, choć mahli b heta zrabić. My raźmiažoŭvajem režym i hramadstva. My nie chočam, kab sankcyi, jakija pavinny bić pa režymie, udaryli pa prostych ludziach. Upeŭnieny, bolšaść biełarusaŭ chacieli b žyć u demakratyčnym, zachodnim hramadstvie», — vykazaŭsia namieśnik kiraŭnika MZS Polščy.
Šejna nahadaŭ, što vybary 2020 hoda nie byli pryznanyja mižnarodnaj supolnaściu, jany byli pryznanyja sfalsifikavanymi.
Namieśnik ministra adznačyŭ, što ŭ Polščy jość instrumienty ŭździejańnia na režym Łukašenki, u tym liku mahčymaje ŭ krajnim vypadku zakryćcio miažy dla tavaraŭ.
Aŭto ź biełaruskaj rehistracyjaj mohuć ujazdžać u Polšču ŭ vypadku, kali ŭ sałonie znachodzicca ŭładalnik mašyny. Łatvija i Estonija całkam zabaranili ŭjezd aŭto ź biełaruskimi numarami (Ryha pry hetym dapuskaje niekatoryja vyklučeńni), z 16 žniŭnia anałahičnaja zabarona zapracuje i ŭ Litvie.
Raniej ministr unutranych spraŭ Polščy Radasłaŭ Sikorski taksama kazaŭ u razmovie z Paŭłam Łatuškam, što Polšča nie płanuje zabaraniać ujezd biełaruskich asabistych aŭto.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary
Treba, kab Polšča pryviała da ciamy svaich nadta starannych bałtyjskich sajuźnikaŭ.
I sama adčyniła inšyja punkty.