U Maskoŭskaje RUUS na praciahu dvuch tydniaŭ pastupiła adrazu šeść zajaŭ ad uładalnikaŭ aŭtamabilaŭ: z pryparkavanych mašyn źnikali detali — ad parktronikaŭ i značkoŭ da sabvufiera i naboru instrumientaŭ. Amal usie aŭtamabili byli bieź sihnalizacyi, paviedamlaje «Milicyja Minska».
U vyniku apieratyŭna-vyšukovych mierapryjemstvaŭ supracoŭniki kryminalnaha vyšuku zatrymali 44-hadovaha minčuka, raniej sudzimaha za majomasnyja złačynstvy. U jaho kvatery znajšli častku vykradzienaha.
Vyśvietliłasia, što fihurant zahadzia rychtavaŭsia da kradziažoŭ — sprabavaŭ zafarboŭvać kamiery nazirańnia na padjezdach farbaj z bałončyka. Akramia taho, ustanoŭlena jaho dačynieńnie da anałahičnych złačynstvaŭ, učynienych u 2022 hodzie.
Ahulnaja suma škody — kala 3 000 rubloŭ.
Kamientary