Hramadstva6363

Łatuška — Łukašenku: Ja hatovy ŭdzielničać u vybarach-2025, ale ty — bajaźliviec i šuler

Pavieł Łatuška ŭ svaim telehram-kanale adkazaŭ Łukašenku na jahonuju prapanovu ŭziać udzieł u prezidenckich vybarach 2025 hoda.

Łukašenka siońnia zajaviŭ: «Ja prosta chaču, jak zaŭsiody, im paraić: kali jany chočuć pieraviarnuć krainu i ŭdzielničać u prezidenckich vybarach, dakazvać svaju racyju ci jašče niešta, im treba prychodzić i zmahacca na prezidenckich vybarach». U svaim manałohu ty ŭspomniŭ mianie. I ja chaču tabie adkazać».

«Ja hatovy ŭziać udzieł u vybarach na pasadu prezidenta Biełarusi ŭ 2025 hodzie. Ja hatovy ŭziać udzieł u prezidenckich vybarach i raskazać biełarusam chto ty, što ty ź siabie ŭjaŭlaješ. Ja hatovy raskazać pra toje, što ź siabie ŭjaŭlajuć demakratyčnyja siły, što ŭjaŭlaje ź siabie demakratyja.

Adnak u mianie jość umovy, jakija ty pavinien vykanać: spynić represii ŭ krainie i vyzvalić byłych kandydataŭ na pasadu prezidenta Biełarusi, a taksama ŭsich palityčnych źniavolenych, jakich ty katuješ u svaich turmach», — kaža Pavieł Łatuška.

«Ja hatovy ŭziać udzieł u vybarach, kali ty spyniš kryminalnyja spravy ŭ dačynieńni da ŭsich biełarusaŭ, jakija viali baraćbu za demakratyju i svabodu ŭ našaj krainie hetyja čatyry hady, kali ty admieniš usie palityka-matyvavanyja prysudy, vyniesienyja ŭ dačynieńni da biełarusaŭ. I sankcyi za ŭsio heta buduć admienienyja.

Ja hatovy ŭziać udzieł u vybarach prezidenta ŭ 2025 hodzie, kali ty zabiaśpiečyš mižnarodnaje nazirańnie. Kali mižnarodnyja naziralniki razam ź niezaležnymi ŭnutranymi naziralnikami buduć na kožnym vybarčym učastku padčas vybaraŭ. 

Ja hatovy, ale ty — bajaźliviec.

Z usiaho taho, što ja pieraličyŭ, ty nie zrobiš ničoha. Tamu što addaješ sabie vyrazna spravazdaču ŭ tym, što nia maješ padtrymki ŭ biełaruskim hramadztvie. Ja vyjhraju ŭ ciabie, Łukašenka, navat znachodziačysia za miažoj, kali ty zarehistruješ mianie kandydatam i zabiaśpiečyš niezaležnaje nazirańnie za padlikam hałasoŭ. Vyjhraju nie ja-Pavieł Łatuška, vyjhraje biełaruski narod. 

Ja ŭpeŭnieny, što siarod biełaruskich palitykaŭ šmat tych, chto hatovy kinuć tabie vyklik i pieramahčy ciabie.

Ale ty ž nie dapuściš da vybaraŭ nikoha, akramia svaich chałujoŭ, bo ty — šuler. 

Biełaruski narod nikoli nie abiare ciabie, bo biełarusy ciabie nienavidziać. Ty bajaźliviec, chłus i zabojca. Adzinaje, u čym ty nie schłusiŭ, choć sam, viadoma, ličyš inakš — u biełarusaŭ budzie novy prezident», — reziumavaŭ namieśnik staršyni Abjadnanaha pierachodnaha kabinieta.

Kamientary63

  • Kartonny asiłak
    10.09.2024
    Paša, ty ŭ Cichanoŭskaj nia možaš vyjhrać 4 hady miesca bližej da hrantaŭ, a ŭžo hatovy kidać vyklik kryvavamu dyktataru Łukašenku. Čaho ž ty, padžaŭšy chvost, ledź nie ŭ bahažniku ŭciakaŭ ad jaho, kali nas zabivali ŭ zaścienkach KDB i Akreścina?
    Vyklik kinuli ŭžo tyja, chto znachodzicca za kratami - našyja sapraŭdnyja lidary. Dla naroda Biełarusi ty ŭžo takaja ž kulhavaja kačka, jak i Łukašenka i Cichanoŭskaja. Za svabodu treba zmahacca da kryvi, a nie papierki pisać i z telehrama ciaŭkać.
  • zmahar
    10.09.2024
    Łatuška heta (były) funkcyjanier režymu. A na volnyja vybary nielha dapuskać nikoha sa staroj sistemy, bo budučynia heta novaje a nie łukašyzm z łyčam Šviety ci Łatuški.
  • Paułavič
    10.09.2024
    a biez umou čamu ty nie chočaš paudzielničać? Što tabie zaminaje?

Ciapier čytajuć

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Usie naviny →
Usie naviny

Łukašenka na naradzie pra kino: Biez vas my možam abyścisia. Vas niama11

56-hadovuju viciablanku buduć sudzić za pornastrymy ŭ internecie10

Prajšoŭ druhi etap abmienu rasijska-ŭkrainskaha abmienu vajennapałonnymi. Abmianiali i adnaho biełarusa2

Stała viadoma, kaho z rasijskich vajskoŭcaŭ lačyli ŭ balnicach Homielščyny ŭ pačatku vajny13

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca23

«Vy za ŭsio adkažacie». Biełarusam na prajdzie va Urocłavie taksama pahražali nieviadomyja55

«Vakoł vajna, vakoł bušuje. Vaźmicie Finlandyju». Łukašenka pračytaŭ kinošnikam lekcyju pa mižnarodnym stanoviščy10

Jeŭrakamisija prapanuje źnizić vierchniuju miažu cany na naftu1

Telegram: My nikoli nie raskryvali pryvatnyja paviedamleńni trecim asobam7

bolš čytanych navin
bolš łajkanych navin

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Hałoŭnaje
Usie naviny →

Zaŭvaha:

 

 

 

 

Zakryć Paviedamić