Łukašenka zajaviŭ, što Pačobut nibyta sam nie choča jechać u Polšču
Na siońniašniaj sustrečy z pradstaŭnikami nacyjanalnych supolnaściaŭ, jakija žyvuć u Biełarusi, Łukašenka zajaviŭ, što palitviazień Andrej Pačobut, maŭlaŭ, sam nie choča pamianiać biełaruskuju turmu na Polšču.
«Dobra, zabirajcie. A jon kaža: «Ja tudy nie pajedu, mnie nie treba», — cytuje Łukašenku jahonaja pres-słužba.
Niama intaresu zabirać Pačobuta, jak śćviardžaje Łukašenka, i ŭ polskich uładaŭ:
«A jany i nie chočuć jaho zabirać. Prosta heta stała palityčnaj raźmiennaj manietaj».
Za kampaniju dastałasia i amierykancam:
«Vy bačycie, što vykarystoŭvajuć lubuju nahodu dla taho, kab abvastryć adnosiny. I palakam heta nie treba, i ciapierašniamu kiraŭnictvu Polščy heta nie treba. Jany heta razumiejuć. Ale «dziadźka Sem» prymušaje. Amierykancam treba, kab tut, u Jeŭropie, była vajna. Tady jany buduć u favory».
Palitźniavoleny žurnalist Andrej Pačobut byŭ aryštavany 25 sakavika 2021 hoda, ciapier jon adbyvaje prysudžany jamu łukašenkaŭskim sudom 8-hadovy termin źniavoleńnia.
Raniej pra toje, što Pačobuta nibyta hatovyja byli vypuścić z umovaj, što jaho zabiare na terytoryi Biełarusi sam ministr zamiežnych spraŭ Polščy Radasłaŭ Sikorski, kazaŭ prapahandyst Juryj Vaskrasienski. Pavodle kamientara polskaha MZS, hetaja prapanova Vaskrasienskaha «nie ŭpisvajecca ni ŭ adzin kanon dvuchbakovych adnosin».
Ciapier čytajuć
Łukašenka patłumačyŭ, čamu jaho nie vidać pa sieradach i subotach16
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary