Były kalinoviec zapuściŭ ułasny brend. Srodki pojduć na dapamohu
Były biełaruski dobraachvotnik na vajnie va Ukrainie Alaksandr Kłačko sumiesna z kramaj A2 Print u Vilni pad ułasnym brendam vypuskaje kubki, majki, torby. Srodki ad prodažu pojduć na dapamohu biełaruskim dobraachvotnikam i vałancioram va Ukrainie. Pra historyju stvareńnia brenda jon raskazaŭ «Radyjo Svaboda».
Alaksandar Kłačko
«Ja pryjechaŭ na vajnu i mnie zadajuć pytańnie: «Jaki ŭ ciabie budzie pazyŭny?». Dla mianie heta było niečakanaje pytańnie. I pieršaje, što ja ŭspomniŭ — heta moj nik u telehramie, kali byŭ u Biełarusi, pratestny nik «Kuś za Biełaruś»… Heta zadoŭha dla pazyŭnoha. Ja kažu: «Nu, davajcie «Kuś»».
Zaraz hety moj pazyŭny «Kuś» staŭ idejaj brenda «Kuś», — raskazvaje Alaksandr Kłačko. — Hety «kuś» ja ŭkładaju ŭ luboje dziejańnie, na jakoje zdolny, na jakoje hatovy kožny biełarus paasobku, dziejańnie, jakoje nabližaje naša viartańnie ŭ Biełaruś».
Suzasnavalnica kramy A2 Print, byłaja palitźniavolenaja Alesia Bunievič raskazała pra svaju sprobu zapisacca ŭ dobraachvotniki va Ukrainu:
«Kali pačałasia vajna va Ukrainie, u nas byŭ taki momant, kali my pajechali razam va ŭkrainskuju ambasadu, kab zapisacca ŭ dobraachvotniki, ale ŭ toj čas da mianie byli pytańni, tamu što ja nie była miedycynskim supracoŭnikam, nie mieła niejkaj śpiecyjalnaj adukacyi ci padrychtoŭki. I mianie zapisali nu nibyta ŭ rezierv».
Alesia Bunievič tłumačyć hałoŭny sens stvareńnia brenda:
«Jość taksama biełaruskija dobraachvotniki, jakija ryzykujuć kožny dzień svaim žyćciom, i padtrymka hetych ludziej, padtrymka byłych dobraachvotnikaŭ, jakija pakłali svajo zdaroŭje, vałancioraŭ, jakija štodnia taksama znachodziacca ŭ niečałaviečych umovach, časta ich taksama patrebna padtrymlivać».
Cichanoŭskaja naviedała biełaruskuju kramu A2 print u Vilni
«Kab nadpis na pomniku byŭ na biełaruskaj movie». Biełaruskija dobraachvotniki pra zapaviet na vypadak hibieli
«Biełarusy zabylisia pra vajnu. Našych dobraachvotnikaŭ nazyvajuć najmitami» — były kalinoviec Kłačko
«Źmianšeńnie padtrymki biełaruskich dobraachvotnikaŭ va Ukrainie — heta ŭ tym liku i cana, jakaja płacicca za palityčnyja ambicyi niekatorych ludziej»
Ciapier čytajuć
Łukašenka choča pastavić na «Pałanezy» jadziernyja bojehałoŭki14
Łukašenka choča pastavić na «Pałanezy» jadziernyja bojehałoŭki
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary
Svaimi birulkami vy na adzin naškrabiecie praz hadoŭ sto tolki. Mahčyma, vašaja Cichanoŭskaja jašče i budzie pry ŭładzie, a my dakładna nie dažyviem.